ರಾಜ್ಯ ಬಜೆಟ್ 2013

ಸಿಎಂ ಶೆಟ್ಟರ್ ಮಂಡಿಸಿದ ಬಜೆಟ್ ಚುನಾವಣೆ ಪ್ರಣಾಳಿಕೆಯಂತಿದೆ. ಅಧಿಕಾರಿಗಳು ಇದನ್ನು ಸಿದ್ಧಪಡಿಸಿದರೋ, ಬಿಜೆಪಿ ಪ್ರಣಾಳಿಕೆ ಸಮಿತಿ ರಚಿಸಿತೆ ಎಂಬುದೇ ಪ್ರಶ್ನೆ.
-ತೇಜಸ್ವಿ ಪಟೇಲ್. ಪ್ರಧಾನ ಕಾರ್ಯದರ್ಶಿ, ರಾಜ್ಯ ಕಬ್ಬು ಬೆಳೆಗಾರರ ಸಂಘ.

ಜನ ಸಾಮಾನ್ಯರು, ರೈತರು, ಕಾರ್ಮಿಕರ ಕಣ್ಣೀರು ಒರೆಸುವ ಬಜೆಟ್ ಇದಲ್ಲ. ಗಾತ್ರ ದೊಡ್ಡದಾಗಿದ್ದರೂ, ಅದಕ್ಕೆ ತಕ್ಕಂತೆ ಗುಣಾತ್ಮಕ ಅಂಶಗಳನ್ನು ಬಜೆಟ್ ಒಳಗೊಂಡಿಲ್ಲ.
-ಎಚ್.ಕೆ. ರಾಮಚಂದ್ರಪ್ಪ. ರಾಜ್ಯ ಕಾರ್ಯಾಧ್ಯಕ್ಷರು, ಎಐಟಿಯುಸಿ.

ರೈತರ ಸಂಪೂರ್ಣ ಸಾಲ ಮನ್ನಾ ಮಾಡಲಿ
ದಾವಣಗೆರೆಗೆ ಶೀಥಲೀಕರಣ ಘಟಕ, ಮೆಕ್ಕೆಜೋಳ ಸಂಸ್ಕರಣ ಘಟಕ ಸ್ಥಾಪನೆ ಬಗ್ಗೆ ಬಜೆಟ್‌ನಲ್ಲಿ ಯಾವುದೇ ಪ್ರಸ್ತಾಪವಿಲ್ಲ.
-ಹುಚ್ಚವ್ವನಹಳ್ಳಿ ಮಂಜುನಾಥ. ಪ್ರಧಾನ ಕಾರ್ಯದರ್ಶಿ, ರಾಜ್ಯ ರೈತ ಸಂಘ

ಸಿಎಂ ಶೆಟ್ಟರ್ ಜನ ಸಾಮಾನ್ಯರಿಗೆ ಕೈಗೆಟುಕುವ ಬಜೆಟ್ ಮಂಡಿಸಿದ್ದಾರೆ. 70 ಸಾವಿರ ಕೋಟಿ ಸಾಲವಾಗಿದೆ ಎಂಬುದಾಗಿ ಟೀಕಿಸುವವರು ಹಿಂದಿನ ಸರ್ಕಾರಗಳ ಕಾಲದಲ್ಲೂ ಸಾಲ ಇದ್ದುದನ್ನು ಮರೆಯಬಾರದು.
-ಎಸ್.ವಿ. ರಾಮಚಂದ್ರ. ಶಾಸಕ

ಮುಂಬರುವ ಚುನಾವಣೆಯನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಿದ ಬಜೆಟ್ ಇದು. ಜನರಲ್ಲಿ ಹೊಸ ಆಸೆ ಹುಟ್ಟಿಸಿ, ಮತ ಗಳಿಸುವ ಲೆಕ್ಕಾಚಾರಕ್ಕೆ ಬಿಜೆಪಿ ಮುಂದಾಗಿದೆ.
-ಎಸ್. ರವಿಕುಮಾರ ನುಗ್ಗಿಹಳ್ಳಿ. ಔಷಧಿ ವ್ಯಾಪಾರಿ, ಯುವ ಮುಖಂಡ

ಜಿಲ್ಲೆಯಲ್ಲಿ ನ್ಯಾಮತಿ ತಾಲೂಕು, ಗಾಜಿನ ಮನೆ ನಿರ್ಮಾಣ ಘೋಷಣೆ ಬಿಟ್ಟರೆ ಹೊಸತೇನೂ ಇಲ್ಲ. ಕೃಷಿ, ಕೈಗಾರಿಕೆ, ವಿದ್ಯುತ್ ಉತ್ಪಾದನೆ ಬಗ್ಗೆ ಪ್ರಸ್ತಾಪವಿಲ್ಲ.
-ಎಲ್.ಎಚ್. ಅರುಣಕುಮಾರ. ಹಿರಿಯ ವಕೀಲ

ವಿಧಾನಸಭೆ ಚುನಾವಣೆಗೆ ಪೂರ್ವಭಾವಿಯಾಗಿಯೇ ಬಿಜೆಪಿ ಪ್ರಣಾಳಿಕೆಯನ್ನು ಘೋಷಿಸಿದಂತಿದೆ. ನಾಡಿನ ಜನತೆಯನ್ನು ಮರಳು ಮಾಡಲು ಸಿಎಂ ಜಗದೀಶ ಶೆಟ್ಟರ್ ಹತಾಶ ಪ್ರಯತ್ನವನ್ನು ಮಾಡಿದ್ದಾರೆ.
-ಬಿ.ಎಂ. ಸತೀಶ.