ಬಿಜೆಪಿ ಜನಜಾಗರಣ ಅಭಿಯಾನಕ್ಕೆ ಚಾಲನೆ

ಚಾಮರಾಜನಗರ: ಬಿಜೆಪಿ ನಗರ ಘಟಕದ ವತಿಯಿಂದ ಮನೆಮನೆಗೆ ಬಿಜೆಪಿ ಜನಜಾಗರಣ ಅಭಿಯಾನಕ್ಕೆ ಬುಧವಾರ  ಚಾಲನೆ ನೀಡಲಾಯಿತು.
ನಗರದ 7ನೇ ವಾರ್ಡ್ ಮೂಡ್ಲುಪುರ ಗ್ರಾಮದಲ್ಲಿ ಕಾರ್ಯಕ್ರಮಕ್ಕೆ ಚಾಲನೆ ನೀಡುವ ಮೂಲಕ ಬಿಜೆಪಿ ಸರ್ಕಾರ ಜಾರಿಗೆ ತಂದಿರುವ ಯೋಜನೆಗಳಾದ ಕೃಷಿಗೆ ಅತ್ಯಲ್ಪ ದರದಲ್ಲಿ ಸಾಲ ಸೌಲಭ್ಯ, ಪಶುಪಾಲನೆ, ಮೀನುಗಾರರಿಗೆ ಶೇ.3ರ ಬಡ್ಡಿ ದರದಲ್ಲಿ ಸಾಲ, ಹೊಸ ಯುವನೀತಿ ಪ್ರಕಟ, ರಾಜ್ಯದ ವಿದ್ಯುತ್ ಉತ್ಪಾದನಾ ಸಾಮರ್ಥ್ಯ 3774 ಮೆ.ವ್ಯಾಟ್‌ಗೆ ಹೆಚ್ಚಳ, ದೇಶಕ್ಕೆ ಮಾದರಿಯಾದ ಕರ್ನಾಟಕ ಸಾರಿಗೆ ವ್ಯವಸ್ಥೆ, 7 ಲಕ್ಷ ವಿದ್ಯಾರ್ಥಿಗಳಿಗೆ ಉಚಿತ ಸೈಕಲ್, ಪರಿಶಿಷ್ಟ ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ಧನ, ಮಹಿಳಾ ಮೀಸಲಾತಿ ಹೆಚ್ಚಳ, ಭಾಗ್ಯಲಕ್ಷ್ಮಿ ಯೋಜನೆಯ ಮೊತ್ತ 1 ಲಕ್ಷಕ್ಕೆ ಹೆಚ್ಚಳ, ಸಂಧ್ಯಾ ಸುರಕ್ಷಾ ಮಾಸಿಕ ಪಿಂಚಣಿ ಮೊತ್ತ ಏರಿಕೆ, ಇ-ಆಡಳಿತ ಸೂತ್ರ ಇನ್ನು ಅನೇಕ ಕಾರ್ಯಕ್ರಮಗಳ ಮಾಹಿತಿ ಇರುವ ಕರಪತ್ರವನ್ನು ಮನೆ ಮನೆಗೆ ವಿತರಿಸಿ ಬಿಜೆಪಿ ಸರ್ಕಾರದ ಸಾಧನೆಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸಲಾಯಿತು.
ಟೌನ್ ಅಧ್ಯಕ್ಷ ಸುಂದರ್ ರಾಜ್, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪಿ.ಬಿ.ಶಾಂತಮೂರ್ತಿ ಕುಲಗಾಣ, ಜಿಲ್ಲಾ ಯುವ ಮೋಚಾಧ್ಯಕ್ಷ ಮೂಡ್ಲುಪುರ ನಂದೀಶ್ ಕುಮಾರ್, ಜಿಲ್ಲಾ ಕಾರ್ಯದರ್ಶಿ ಜಿ.ಲೋಕೇಶ್ ಕೊತ್ತಲವಾಡಿ, ಚೂಡಾ ಅಧ್ಯಕ್ಷ ಬಾಲಸುಬ್ರಮಣ್ಯಂ, ಟೌನ್ ಉಪಾಧ್ಯಕ್ಷ ಶುಂಠಿಮಹೇಶ್, ಯುವ ಮೋರ್ಚಾದ ಮಂಜುನಾಥ್, ಆರ್. ಪುರುಷೋತ್ತಮ್, ಯುವ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ನಾಗೇಶ್ ನಾಯ್ಕ,  ಮಾಧ್ಯಮ ಪ್ರಮುಖ ನಾರಾಯಣಗೌಡ, ನಟೇಶ್, ಮಲ್ಲಿಗಮ್ಮ, ರಾಜಮ್ಮ, ಸೌಮ್ಯ, ರತ್ನಮ್ಮ, ಸುಧಾ, ಕವಿತಾ ಇದ್ದರು.