ಬಸ್ ಸಂಚಾರ ಪ್ರಾರಂಭಿಸಲು ಮನವಿ

ಯಾದಗಿರಿ: ಜಿಲ್ಲೆಯಲ್ಲಿನ ವಿದ್ಯಾರ್ಥಿಗಳಿಗೆ ಸರಿಯಾದ ಸಮಯಕ್ಕೆ ಬಸ್ ಸೌಕರ್ಯ ಒದಗಿಸುವಂತೆ ಜಿಲ್ಲಾ ಟೋಕರಿ ಅಧ್ಯಕ್ಷ ಉಮೇಶ ಮುದ್ನಾಳ ಈಶಾನ್ಯ ಕರ್ನಾಟಕ ಸಾರಿಗೆ ಸಂಸ್ಥೆ ವಿಭಾಗೀಯ ನಿಯಂತ್ರಾಣಧಿಕಾರಿಗಳಿಗೆ ಮನವಿ ಸಲ್ಲಿಸಿದರು.
ತಾಲೂಕಿನ ಗಣಪೂರ, ಮಸ್ಕನಳ್ಳಿ ಹಾಗೂ ಶಹಾಪುರ ತಾಲೂಕಿನ ಮಳ್ಳಳ್ಳಿ ಗ್ರಾಮಕ್ಕೆ ಬಸ್ ಸಂಚಾರ ಪ್ರಾರಂಭಿಸಬೇಕು. ಈಗಾಗಲೇ ಶಾಲಾ ಕಾಲೇಜುಗಳು ಪ್ರಾರಂಭವಾಗಿದ್ದರಿಂದ ವಿದ್ಯಾರ್ಥಿಗಳು ತೊಂದರೆ ಅನುಭವಿಸುವಂತಾಗಿದೆ ಎಂದರು. ಮರೇಪ್ಪ ಮಳ್ಳಿಳ್ಳಿ, ತಾಯಪ್ಪ ತಳವಾರ, ನಿಂಗಪ್ಪ ಮಳ್ಳಳ್ಳಿ, ರಾಮು ಗಣಪೂರ ಶಿವಕುಮಾರ, ಬುಗ್ಗಪ್ಪ ಹಾಗೂ ಗಣಪೂರ, ಮಸಕನಳ್ಳಿ, ಮಳ್ಳಳ್ಳಿ ಗ್ರಾಮಗಳ ವಿದ್ಯಾರ್ಥಿ, ವಿದ್ಯಾರ್ಥಿನಿಯರು ಇದ್ದರು.