ಯುವತಿ ಅಪಹರಿಸಿ ಅತ್ಯಾಚಾರ: ಬಂಧನ

ಹಗರಿಬೊಮ್ಮನಹಳ್ಳಿ: ಹಳೆಹಗರಿಬೊಮ್ಮನಹಳ್ಳಿಯ ಗುತ್ತಿಗೆದಾರನೊಬ್ಬ ಯುವತಿಯನ್ನು ಅಪಹರಿಸಿ ಅತ್ಯಾಚಾರ ಮಾಡಿದ್ದಲ್ಲದೆ ವಿಷ ಕುಡಿಸಿ ಹತ್ಯೆಗೈಯಲು ಯತ್ನಿಸಿದ ಘಟನೆ ಭಾನುವಾರ ಸಂಭವಿಸಿದೆ. ಯುವತಿಯನ್ನು ದಾವಣಗೆರೆ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಮನೆಗೆಲಸ ಮಾಡುತ್ತಿದ್ದ ಯುವತಿ ಹಳೆಹಗರಿಬೊಮ್ಮನಹಳ್ಳಿಯ ತಂಬ್ರಹಳ್ಳಿ ರಸ್ತೆಯ ಶಿಬಾರಗಟ್ಟೆ ಬಳಿ ವಾಸವಾಗಿದ್ದಳು. ದೂರದ ಸಂಬಂಧಿಯಾದ ಅಬೂಬಕರ್ (55) ಹೊಸಪೇಟೆಯಲ್ಲಿ ವಾಸವಾಗಿದ್ದಾನೆ. ಜ.31ರಂದು ಹಳೆಹಗರಿಬೊಮ್ಮನಹಳ್ಳಿಗೆ ಬಂದಾಗ ರಾತ್ರಿ ವೇಳೆ ಯುವತಿಯನ್ನು ಮನೆಗೆಲಸದ ನೆಪ ಮಾಡಿ ಅಪಹರಿಸಿಕೊಂಡು ಹೋಗಿದ್ದಾನೆ. ಸತತ ಎರಡು ದಿನಗಳ ಕಾಲ ಆಕೆಯ ಮೇಲೆ ಅತ್ಯಾಚಾರ ಎಸಗಿ ಭಾನುವಾರ ಪಟ್ಟಣದ ಕೂಡ್ಲಿಗಿ ರಸ್ತೆಯ ಮುಸ್ಲಿಂ ಖಬರಸ್ಥಾನದ ಬಳಿಗೆ ಬೈಕ್‌ನಲ್ಲಿ ಕರೆತಂದು ಬಿಟ್ಟಿದ್ದಾನೆ. ಯುವತಿ ಪೊಲೀಸರಿಗೆ ದೂರು ನೀಡಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.