ಮತದಾನ ಮಾಡದ ಶಾಸಕ: ತೀವ್ರ ವಿರೋಧ

ರಾಂುಬಾಗ: ಒಂದು ಮತಕ್ಷೇತ್ರಕ್ಕೆ ಪ್ರಥಮ ಪ್ರಜೆಂಾದ ಶಾಸಕರೇ ಮತದಾನ ಮಾಡದಿದ್ದರೆ ಹೇಗೆ?.
ಇದು ರಾಯಬಾಗ ತಾಲೂಕಿನ ಕುಡಚಿ ಮೀಸಲು ವಿಧಾನಸಭೆ ಮತಕ್ಷೇತ್ರದ ಶಾಸಕ ಪಿ.ರಾಜೀವ್ ಅವರ ಕುರಿತು ಸಾರ್ವಜನಿಕರು ಕೇಳುವ ಪ್ರಶ್ನೆ. ಗುರುವಾರ ನಡೆದ(ಏ.17ರಂದು) ಚಿಕ್ಕೋಡಿ ಲೋಕಸಭೆ ಮತಕ್ಷೇತ್ರದಲ್ಲಿ ಕುಡಚಿ ಶಾಸಕ ಪಿ. ರಾಜಿವ್ ಹಾಗೂ ಅವರ ಕುಟುಂಬ ಸದಸ್ಯರೂ ಸೇರಿ ನಾಲ್ಕು ಜನ ಮತದಾನ ಮಾಡದೆ ದಿವ್ಯ ನಿರ್ಲಕ್ಷ್ಯ ತೋರಿದ್ದಾರೆ ಎಂದು ದೂರಿದ್ದಾರೆ. ಉನ್ನತ ಶಿಕ್ಷಣ ಪಡೆದ, ಉಪ ಆರಕ್ಷಕ ಹುದ್ದೆ ನಿಭಾಯಿಸಿದ್ದ ಶಾಸಕ ಇತರರಿಗೆ ಮಾದರಿಯಾಗಬೇಕಿತ್ತು. ಬೇರೆಯವರನ್ನು ಮತಹಾಕುವಂತೆ ಪ್ರೇರೇಪಿಸಬೇಕಾದ ಇವರೇ ಮತಹಾಕದೆ ತಪ್ಪು ಮಾಡಿದ್ದಾರೆ ಎಂದು ಜನರು ಆಕ್ಷೇಪಿಸಿದ್ದಾರೆ. ತಮ್ಮ ಕ್ಷೇತ್ರದಲ್ಲಿಂು ಮತಚಲಾಯಿಸದ ಇವರು ಬೇರೆ ಕ್ಷೇತ್ರಕ್ಕೆ(ಬಳ್ಳಾರಿ) ಹೋಗಿ ಮತದಾನ ಮಾಡುವಂತೆ ಹೇಳುವ ಇವರಿಗೆ ಂಾವ ಹಕ್ಕಿದೆ ಎಂದು ಪ್ರಶ್ನಿಸಿದ್ದಾರೆ. ಒಬ್ಬ ಶಾಸಕರಾಗಿ ಮತದಾನ ಮಾಡದೇ ಇರುವುದು ಸಂವಿಧಾನಕ್ಕೆ ಅಪಮಾನ ಮಾಡಿದಂತೆ ಆಗಿದೆ ಎಂದು ಮಾಜಿ ಶಾಸಕ ಎಸ್.ಬಿ.ಘಾಟಗೆ ಅವರು ಟೀಕಿಸಿದ್ದಾರೆ.