ಸಿಲಿಂಡರ್ ಸ್ಫೋಟ: ಅಜ್ಜಿ ಮೊಮ್ಮಗಳ ಸಾವು

ಕ.ಪ್ರ. ವಾರ್ತೆ ಬೆಳಗಾವಿ ಮಾ.28
ಅಡುಗೆ ಅನಿಲ ಸಿಲಿಂಡರ್ ಸ್ಫೋಟಗೊಂಡಿದ್ದರಿಂದ ಎರಡಂತಸ್ತಿನ ಮನೆ ಕುಸಿದು, ಅಜ್ಜಿ ಮತ್ತು ಮೊಮ್ಮಗಳು ಸ್ಥಳದಲ್ಲೇ ಮೃತಪಟ್ಟ ಘಟನೆ ನಗರದ ಅನಗೋಳದ ಬಾಂದೂರಗಲ್ಲಿಯಲ್ಲಿ ಗುರುವಾರ ಮುಂಜಾನೆ ಸಂಭವಿಸಿದೆ.
ಘಟನೆಯಲ್ಲಿ ಇನ್ನಿಬ್ಬರಿಗೆ ಗಂಭೀರ ಗಾಯಗಳಾಗಿವೆ. ಪದ್ಮಾವತಿ ಕುಲಕರ್ಣಿ (70) ಹಾಗೂ ತೃಪ್ತಿ ಕುಲಕರ್ಣಿ (9) ಮೃತರು. ಗಂಭೀರವಾಗಿ ಗಾಯಗೊಂಡ  ಗುರುರಾಜ ಕುಲಕರ್ಣಿ (50) ಹಾಗೂ ರಾಜಶ್ರೀ ಕುಲಕರ್ಣಿ (45) ದಂಪತಿಯನ್ನು ಚಿಕಿತ್ಸೆಗಾಗಿ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದೆ. ಇವರಲ್ಲಿ ರಾಜಶ್ರೀಗೆ ಶೇ.90ರಷ್ಟು ಮತ್ತು ಗುರುರಾಜ ಶೇ.30ರಷ್ಟು ಸುಟ್ಟ ಗಾಯಗಳಾಗಿವೆ.
ಮೊದಲ ಮತ್ತು 2ನೇ ಮಹಡಿಯಲ್ಲಿದ್ದ 6 ಮಂದಿ ಮನೆಯಿಂದ ಹೊರ ಬಂದು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಟಿಳಕವಾಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಿಲಿಂಡರ್ ಸ್ಫೋಟಕ್ಕೆ ಕಾರಣವೇನೆನ್ನುವುದು ತನಿಖೆ ನಂತರ ಗೊತ್ತಾಗಲಿದೆ ಎಂದು ಎಸ್ಪಿ ಸಂದೀಪ್ ಪಾಟೀಲ್ ಸುದ್ದಿಗಾರರಿಗೆ ಹೇಳಿದ್ದಾರೆ.