ಆಂಧ್ರದಲ್ಲಿ ಪ್ರತಿಭಟನೆ; ರೇಲ್ವೆ ಸಂಚಾರ ಸ್ಥಗಿತ

ಬೆಂಗಳೂರು: ಅಖಂಡ ಆಂಧ್ರಪ್ರದೇಶಕ್ಕಾಗಿ ರಾಯಲಸೀಮೆ ಪ್ರದೇಶದಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳ ಹಿನ್ನೆಲೆಯಲ್ಲಿ ಆ ಭಾಗಗಳಿಗೆ ತೆರಳುವ ಕೆಲವು ರೈಲುಗಳ ಸಂಚಾರವನ್ನು ಮುಂಜಾಗೃತ ಕ್ರಮವಾಗಿ ತಾತ್ಕಾಲಿಕವಾಗಿ ಭಾಗಶಃ ರದ್ದುಗೊಳಿಸಿರುವುದಾಗಿ ನೈಋತ್ಯ ರೇಲ್ವೆ ತಿಳಿಸಿದೆ.

ಭಾಗಶಃ ರದ್ದುಗೊಂಡ ರೈಲುಗಳು: ತಿರುಪತಿ-ಗುಂತಕಲ್ ಪ್ಯಾಸೆಂಜರ್, ಗುಂತಕಲ್-ತಿರುಪತಿ ಪ್ಯಾಸೆಂಜರ್, ವಿಜಯವಾಡ-ಯಶವಂತಪುರ ಪ್ಯಾಸೆಂಜರ್. ಮಾರ್ಗ ಬದಲು: ಲೋಕಮಾನ್ಯ ತಿಲಕ್ ಟರ್ಮಿನಸ್-ಕೊಯಂಬತ್ತೂರು ಕುರ್ಲಾ ಎಕ್ಸ್‌ಪ್ರೆಸ್, ಯಶವಂತಪುರ-ಗೋರಕ್‌ಪುರ ಎಕ್ಸ್‌ಪ್ರೆಸ್, ಯಶವಂತಪುರ-ವಿಜಯವಾಡ ಪ್ಯಾಸೆಂಜರ್, ಮೈಸೂರು-ಜೈಪುರ ಎಕ್ಸ್‌ಪ್ರೆಸ್, ಬೆಂಗಳೂರು ಸಿಟಿ-ಭುವನೇಶ್ವರ ಪ್ರಶಾಂತಿ ಎಕ್ಸ್‌ಪ್ರೆಸ್, ಯಶವಂತಪುರ-ಕಾಚೀಗುಡ ಎಕ್ಸ್‌ಪ್ರೆಸ್.