ಕೇವಲ 5 ರೂ ವೆಚ್ಚದಲ್ಲಿ ಇಸಿಜಿ!

ಬೆಂಗಳೂರು: ಕೇವಲ 5 ರೂಪಾಯಿ ವೆಚ್ಚದಲ್ಲಿ ಇಸಿಜಿ ಸೌಲಭ್ಯವುಳ್ಳ ಸುಶ್ರುತ ಡಯಾಲಿಸಿಸ್ ಕೇಂದ್ರವನ್ನು ಬಿಬಿಎಂಪಿ ಗುರುವಾರ ಸಾರ್ವಜನಿಕ ಬಳಕೆಗೆ ಮುಕ್ತಗೊಳಿಸಿತು.

ಯಡಿಯೂರು ವಾರ್ಡ್ ವ್ಯಾಪ್ತಿಯ ಸಾಕಮ್ಮ ಗಾರ್ಡನ್ ಬಡಾವಣೆಯಲ್ಲಿ ಸುಮಾರು 1.75 ಕೋಟಿ ವೆಚ್ಚದಲ್ಲಿ ನಿರ್ಮಾಣಗೊಂಡಿರುವ ಡಯಾಲಿಸಿಸ್ ಕೇಂದ್ರದಲ್ಲಿ ರಕ್ತ, ಮೂತ್ರ, ರಕ್ತದೊತ್ತಡ, ಮಧುಮೇಹ ಮತ್ತು ಇಸಿಜಿ ಪರೀಕ್ಷೆಗಳಿಗೆ ಕೇವಲ 5 ರೂಪಾಯಿ ವೆಚ್ಚವಾಗಲಿದೆ. ಇಂತಹ ವಿನೂತನ ಕೇಂದ್ರಕ್ಕೆ ಶಾಸಕ ಆರ್.ಅಶೋಕ್ ಚಾಲನೆ ನೀಡಿದರು.

ಬಿಬಿಎಂಪಿ ಆರಂಭಿಸಿರುವ ನೂತನ ಕೇಂದ್ರದಲ್ಲಿ ನಿತ್ಯ 24 ಮಂದಿಗೆ ಚಿಕಿತ್ಸೆ ನೀಡಬಹುದಾಗಿದೆ. ಖಾಸಗಿ ಆಸ್ಪತ್ರೆಗಳಲ್ಲಿ 2 ಸಾವಿರಕ್ಕೂ ಅಧಿಕ ವೆಚ್ಚವಾಗುವುದರಿಂದ ಬಡವರಿಗೆ ಆರ್ಥಿಕ ಹೊರೆಯಾಗಲಿದೆ. ಆದರೆ, ನೂತನ ಡಯಾಲಿಸಿಸ್ ಕೇಂದ್ರದಲ್ಲಿ ಉಚಿತ ಸೇವೆ ಪಡೆಯಬಹುದಾಗಿದೆ.