ಉ.ಕ. ಎಂದರೆ ಉತ್ತಮ ಕರ್ನಾಟಕ: ಸುಧಾಮೂರ್ತಿ

ಬೆಂಗಳೂರು: ``ಉತ್ತರ ಕರ್ನಾಟಕದ ಮಂದಿ ಸಂಘ ಜೀವಿಗಳು. ಒಗ್ಗೂಡುವ ಸ್ವಭಾವದವರು. ಆದ್ದರಿಂದಲೇ ಉ.ಕ. ಎಂದರೆ ಉತ್ತಮ ಕರ್ನಾಟಕ ,'' ಎಂದು ಇನ್ಫೋಸಿಸ್ ಫೌಂಡೇಶನ್ ಅಧ್ಯಕ್ಷೆ ಸುಧಾ ಮೂರ್ತಿ ಬಣ್ಣಿಸಿದರು.

ಉತ್ತರ ಕರ್ನಾಟಕ ನಾಗರಿಕರ ಅಭಿವೃದ್ಧಿ ಸಂಘ ಶುಕ್ರವಾರ ಆಯೋಜಿಸಿದ್ದ ಬನ್ನಿ-ಬಂಗಾರ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ``ಉತ್ತರ ಕರ್ನಾಟಕಕ್ಕೆ ಐತಿಹಾಸಿಕ ನೆಲೆಗಟ್ಟಿದೆ. ಈ ಭಾಗದಲ್ಲಿ ಜಾತಿ ಪದಟಛಿತಿ ಕಡಿಮೆ. ಜನ ಸಂಘ ಜೀವಿಗಳು. ಪರಸ್ಪರ ಕಷ್ಟ-ಸುಖದಲ್ಲಿ ಭಾಗಿಯಾಗುವವರು.

ಕಠಿಣ ಪರಿಶ್ರಮಕ್ಕೆ ಹೆಸರಾದ ಈ ಭಾಗದ ಮಂದಿ ಎಂದಿಗೂ ಶ್ರೀಮಂತಿಕೆ, ದರ್ಪ ಪ್ರದರ್ಶಿಸಿದವರಲ್ಲ. ಹೆಣ್ಣು ಮಕ್ಕಳು ಕೂಡ ಹೊಂದಿಕೊಂಡು ಹೋಗುವ ಗುಣದವರಾಗಿದ್ದಾರೆ. ಇವೇ ಅವರ ದೊಡ್ಡ ಗುಣ,'' ಎಂದು ಶ್ಲಾಘಿಸಿದರು. ಉ.ಕ. ನಾಗರಿಕರ ಸಂಘದ ಅಧ್ಯಕ್ಷ ಡಾ.ಚಂದ್ರಶೇಖರ ಸಾಂಬ್ರಾಣಿ, ಉಪಾಧ್ಯಕ್ಷ ಚಂದ್ರಶೇಖರ ಇದ್ದರು.