ಸೋಲು ಬಿಜೆಪಿಯದ್ದಲ್ಲ, ಮೋದಿಯದು: ಮೊಯ್ಲಿ

ಉಡುಪಿ: ಬಿಹಾರ ವಿಧಾನಸಭಾ ಚುನಾವಣೆಯ ಫಲಿತಾಂಶದಿಂದ ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರದ ಅಸಹಿಷ್ಣುತೆ ಧೋರಣೆಗೆ ತಕ್ಕ ಉತ್ತರ ಸಿಕ್ಕಿದೆ ಎಂದು ಸಂಸದ ಎಂ.ವೀರಪ್ಪ ಮೊಯ್ಲಿ ಹೇಳಿದ್ದಾರೆ.

ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ದೇಶದ ಪ್ರಧಾನಿಗೆ ತನ್ನದೇ ಆದ ಘನತೆ ಇರುತ್ತದೆ. ಇದುವರೆಗೆ ದೇಶದ ಯಾವುದೇ ಪ್ರಧಾನಿ ರಾಜ್ಯವೊಂದರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ 43 ರ್ಯಾಲಿಗಳನ್ನು ನಡೆಸಿದ ಉದಾಹರಣೆ ಇಲ್ಲ. ಆದರೆ, ನರೇಂದ್ರ ಮೋದಿ ಅವರು ಈ ವಿಧಾನಸಭಾ ಚುನಾವಣೆಯನ್ನು ಲೋಕಸಭಾ ಚುನಾವಣೆಯಂತೆ ನಡೆಸಿದರು.

ಬಿಜೆಪಿಯ ಸ್ಥಳೀಯ ನಾಯಕರನ್ನು ಗಣನೆಗೆ ತೆಗೆದುಕೊಳ್ಳಲಿಲ್ಲ. ಕೇಂದ್ರದ ತನಗಿಂತ ಹಿರಿಯ ನಾಯಕರಿಗೂ ಚುನಾವಣಾ ಪ್ರಚಾರದ ಅವಕಾಶ ನೀಡಲಿಲ್ಲ. ಹೀಗಾಗಿ ಬಿಹಾರದಲ್ಲಿ ಸೋಲು ಕೇವಲ ಬಿಜೆಪಿಯದಲ್ಲ, ಅದು ಮೋದಿಯ ಸೋಲೂ ಹೌದು ಎಂದು ವಿಶ್ಲೇಷಿಸಿದರು.