ಕಳೇಬರವಾಗಿ ಹೊರ ಬಂದ ತಿಮ್ಮಣ್ಣ...

ಸೂಳಿಕೇರಿ: ಕೊಳವೆ ಬಾವಿಗೆ ಬಿದ್ದ ತಿಮ್ಮಣ್ಣನನ್ನು ಮೇಲೆತ್ತುವ ಕಾರ್ಯಾಚರಣೆ ಯಶಸ್ವಿಯಾಯಿತಾದರೂ, ತಿಮ್ಮಣ್ಣನು ಮಾತ್ರ ಬದುಕಿ ಬರಲಿಲ್ಲ.

ಹೌದು, ಕಳೆದ ಒಂದು ವಾರದ ಹಿಂದೆ ಕೊಳವೆ ಬಾವಿಗೆ ಬಿದ್ದಿದ್ದ ತಿಮ್ಣಣ್ಣನ ಕಳೇಬರವನ್ನು ಹೊರತೆಗೆಯಲಾಗಿದೆ.

ಮೊನ್ನಯಷ್ಟೇ ತಿಮ್ಮಣ್ಣನ್ನು ಮೃತಪಟ್ಟಿರುವುದಾಗಿ ಘೋಷಿಸಿದ ಸರ್ಕಾರ, ತಿಮ್ಮಣ್ಣ ಪೋಷಕರ ಮನವಿಗೆ ಕಾರ್ಯಾಚರಣೆ ಸ್ಥಗಿತಗೊಳಿಸಿತ್ತು . ಆದರೆ ಕಾನೂನು ತಜ್ಞರ ಸಲಹೆ ಮೇರೆಗೆ ಮತ್ತೆ ಕಾರ್ಯಾಚರಣೆ ಆರಂಭಿಸಿ, ತಿಮ್ಮಣ್ಣನ ಮೃತದೇಹವನ್ನು ಹೊರತೆಗೆದಿದೆ.

ರಾತ್ರಿ 1.50ರ ಸುಮಾರಿಗೆ ತಿಮ್ಮಣ್ಣನ ಕಳೇಬರವನ್ನು ಹೊರಕ್ಕೆ ತೆಗೆಯಲಾಗಿದ್ದು, ಸ್ಥಳದಲ್ಲೇ ಜಿಲ್ಲಾಸ್ಪತ್ರೆ ವೈದ್ಯರಿಂದ ಮರಣೋತ್ತರ ಪರೀಕ್ಷೆ ನಡೆಸಲಾಗಿದೆ. ತದ ನಂತರ ತಿಮ್ಮಣ್ಣನ ಕಳೇಬರವನ್ನು ಪೋಷಕರಿಗೆ ಹಸ್ತಾಂತರಿಸಲಾಗಿದೆ.

ರಾತ್ರಿ 2.20ಕ್ಕೆ ಸೂಳಿಕೇರಿ ಜಮೀನಿನಲ್ಲಿ ಕೊಳವೆ ಬಾವಿಯ 100 ಮೀಟರ್ ಅಂತರದಲ್ಲಿ ತಿಮ್ಮಣ್ಣನ ಅಂತ್ಯಕ್ರಿಯೆ ನೆರೆವೇರಿಸಲಾಯಿತು. ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಆರ್ ಪಾಟೀಲ್, ಶಾಸಕ ಹೆಚ್.ವೈ ಮೇಟಿ, ಡಿಸಿ ಮೇಘಣ್ಣವರ್ ಉಪಸ್ಥಿತರಿದ್ದರು.