'ವಿರಾಟ್ ಕೊಹ್ಲಿ ಜೊತೆ ವೈಭವ್ ಸೂರ್ಯವಂಶಿ ಆಡುವುದು ಅದ್ಭುತ': ಒಲಿಂಪಿಕ್ಸ್ 2028ಕ್ಕೆ BCCIಗೆ ಮಾಜಿ ಆಟಗಾರ ಎಸ್ ಶ್ರೀಶಾಂತ್ ಸಲಹೆ

1900ರಲ್ಲಿ ಕೊನೆಯ ಬಾರಿಗೆ ಕಾಣಿಸಿಕೊಂಡ ನಂತರ, ಕ್ರಿಕೆಟ್ ಇದೀಗ ಒಲಿಂಪಿಕ್ಸ್‌ಗೆ ಮರಳಲು ಸಜ್ಜಾಗಿದೆ. ಈ ಕ್ರೀಡೆಯು 2028ರ ಲಾಸ್ ಏಂಜಲೀಸ್ ಕ್ರೀಡಾಕೂಟದಲ್ಲಿ ತನ್ನ ಬಹುನಿರೀಕ್ಷಿತ ಪುನರಾಗಮನವನ್ನು ಮಾಡಲಿದೆ. ಈ ಪಂದ್ಯಾವಳಿಯಲ್ಲಿ ಪುರುಷರು ಮತ್ತು ಮಹಿಳೆಯರ ವಿಭಾಗಗಳಲ್ಲಿ ತಲಾ ಆರು ತಂಡಗಳು ಭಾಗವಹಿಸಲಿವೆ. ಕ್ವಾಡ್ರೆನಿಯಲ್ ಈವೆಂಟ್‌ನ ಮುಂದಿನ ಆವೃತ್ತಿಗೆ ಐಒಸಿ ಅನುಮೋದಿಸಿದ ಐದು ಕ್ರೀಡೆಗಳಲ್ಲಿ ಕ್ರಿಕೆಟ್ ಕೂಡ ಒಂದು ಎಂಬುದು ಗಮನಿಸಬೇಕಾದ ಸಂಗತಿ. ಬೇಸ್‌ಬಾಲ್/ಸಾಫ್ಟ್‌ಬಾಲ್, ಫ್ಲ್ಯಾಗ್ ಫುಟ್‌ಬಾಲ್, ಲ್ಯಾಕ್ರೋಸ್ (ಸಿಕ್ಸ್) ಮತ್ತು ಸ್ಕ್ವ್ಯಾಷ್ ಒಲಂಪಿಕ್ಸ್ 2028ಕ್ಕೆ ಸೇರಿಸಲಾದ ಇತರ ನಾಲ್ಕು ಆಟಗಳಾಗಿವೆ.

ಕ್ರಿಕೆಟ್ ಸೇರ್ಪಡೆಯೊಂದಿಗೆ, ಭಾರತವು ಒಲಿಂಪಿಕ್ ಚಿನ್ನ ಗೆಲ್ಲಲು ಇದೊಂದು ಅದ್ಭುತ ಅವಕಾಶವೆಂದು ನೋಡಲಿದೆ. ಎರಡು ಏಕದಿನ ವಿಶ್ವಕಪ್ ಪ್ರಶಸ್ತಿಗಳು ಮತ್ತು ಮೂರು ಟಿ20 ವಿಶ್ವಕಪ್‌ಗಳನ್ನು ಗೆದ್ದಿರುವ ದೇಶವು ಲಾಸ್ ಏಂಜಲೀಸ್‌ನಲ್ಲಿ ನಡೆಯಲಿರುವ ಕ್ರೀಡಾಕೂಟದಲ್ಲಿ ಗೆಲ್ಲುವ ನೆಚ್ಚಿನ ತಂಡಗಳಲ್ಲಿ ಒಂದಾಗಲಿದೆ.

ಪಂದ್ಯಾವಳಿಗೂ ಮುನ್ನ, ಭಾರತದ 2007 ಮತ್ತು 2011ರ ವಿಶ್ವಕಪ್ ವಿಜೇತ ತಂಡಗಳ ಸದಸ್ಯರಾದ ಎಸ್. ಶ್ರೀಶಾಂತ್, ವಿರಾಟ್ ಕೊಹ್ಲಿಯನ್ನು ತಂಡದಲ್ಲಿ ಸೇರಿಸಿಕೊಳ್ಳುವಂತೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ (ಬಿಸಿಸಿಐ) ಸಲಹೆ ನೀಡಿದ್ದಾರೆ. ವೈಭವ್ ಸೂರ್ಯವಂಶಿ ಜೊತೆಗೆ ಕೊಹ್ಲಿ ಅವರ ಅನುಭವ ಮತ್ತು ಯುವ ಆಟಗಾರ ಉತ್ತಮ ಮಿಶ್ರಣವಾಗಲಿದೆ ಎಂದಿದ್ದಾರೆ.

'ಅವರು ನಿರ್ವಹಿಸಿದ ಕೆಲಸ ನಂಬಲಾಗದದು. ನೀವು ಒಲಿಂಪಿಕ್ ಚಿನ್ನದ ಬಗ್ಗೆ ಮಾತನಾಡುತ್ತಿದ್ದೀರಿ, ವಿರಾಟ್ ತಂಡದಲ್ಲಿ ಆಡಬೇಕೆಂದು ನಾನು ವಿನಂತಿಸುತ್ತೇನೆ. ಇದು ಹಿರಿಯ ಮತ್ತು ಕಿರಿಯರ ಮಿಶ್ರಣವಾಗಿರುತ್ತದೆ. ವಿರಾಟ್ ಜೊತೆ ಸೂರ್ಯವಂಶಿ. ಅದು ಅದ್ಭುತವಾಗಿರುತ್ತದೆ' ಎಂದು ಶ್ರೀಶಾಂತ್ ಸ್ಪೋರ್ಟ್ಸ್ ವಿತ್ ರವೀಶ್ ಎಂಬ ಯೂಟ್ಯೂಬ್ ಚಾನೆಲ್‌ನಲ್ಲಿನ ವಿಡಿಯೋದಲ್ಲಿ ಹೇಳಿದ್ದಾರೆ.

2024ರ ವಿಶ್ವಕಪ್ ಗೆಲುವಿನ ನಂತರ ಕೊಹ್ಲಿ ತಮ್ಮ ಟಿ20ಐ ವೃತ್ತಿಜೀವನಕ್ಕೆ ನಿವೃತ್ತಿ ಘೋಷಿಸಿದರು. ದಕ್ಷಿಣ ಆಫ್ರಿಕಾ ವಿರುದ್ಧದ ಫೈನಲ್ ಪಂದ್ಯದಲ್ಲಿ ಭಾರತ ಜಯಗಳಿಸಿದ ನಂತರ ಅವರು ತಮ್ಮ ನಿವೃತ್ತಿಯನ್ನು ಘೋಷಿಸಿದರು.

'ವಿರಾಟ್ ಕೊಹ್ಲಿಯ ಫಿಟ್ನೆಸ್ ನೋಡಿ ಆಯ್ಕೆದಾರರು ಟಿ20ಗಳಲ್ಲಿ ಕೊಹ್ಲಿಯನ್ನು ಉಳಿಸಿಕೊಳ್ಳಬೇಕು. ಇದು ವಿವಾದಾಸ್ಪದವಾಗಬಹುದು, ಆದರೆ ನಾನು ಆಯ್ಕೆದಾರರನ್ನು ವಿನಂತಿಸುತ್ತೇನೆ. 'ದಯವಿಟ್ಟು ವಿರಾಟ್ ಅವರನ್ನು ಒಲಿಂಪಿಕ್ಸ್‌ಗೆ ಸೇರಿಸಿಕೊಳ್ಳಿ' ಎಂದು ಅವರು ಹೇಳಿದರು.

ಕೊಹ್ಲಿ ತಮ್ಮ ಟಿ20ಐ ವೃತ್ತಿಜೀವನಕ್ಕೆ ನಿವೃತ್ತಿ ಘೋಷಿಸಿದರೆ, ಟೀನೇಜರ್ ವೈಭವ್ ಸೂರ್ಯವಂಶಿ ಎಲ್ಲರನ್ನೂ ತಮ್ಮ ಬ್ಯಾಟಿಂಗ್ ಮೂಲಕ ಸೆಳೆಯುತ್ತಿದ್ದಾರೆ. 15 ವರ್ಷದ ಈ ಅದ್ಭುತ ಬಾಲಕ ಐಪಿಎಲ್ 2026ರಲ್ಲಿ 776 ರನ್ ಗಳಿಸುವ ಮೂಲಕ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರನಾದರು. ಈ ಮೂಲಕ ಬಿಸಿಸಿಐ ಆಯ್ಕೆದಾರರು ಭಾರತ ತಂಡಕ್ಕೆ ಅವರನ್ನು ಆಯ್ಕೆ ಮಾಡಿದ್ದಾರೆ.