IPL ಬಳಿಕ DPL ನಲ್ಲೂ ಸಂಕಷ್ಟಕ್ಕೆ ಸಿಲುಕಿದ ದಿಗ್ವೇಶ್ ರಾಠಿ; ಎದುರಾಳಿ ಬ್ಯಾಟ್ಸ್‌ಮನ್ ಜೊತೆ ಮಾತಿನ ಚಕಮಕಿ

ಐಪಿಎಲ್ 2025ನೇ ಆವೃತ್ತಿಯ ಸಮಯದಲ್ಲಿ ತನ್ನ ಸಂಭ್ರಮಾಚರಣೆಯಿಂದಲೇ ಸಾಕಷ್ಟು ಬಾರಿ ವಿವಾದಕ್ಕೆ ಸಿಲುಕಿದ್ದ ಲಕ್ನೋ ಸೂಪರ್ ಜೈಂಟ್ಸ್ ಸ್ಪಿನ್ನರ್ ದಿಗ್ವೇಶ್ ರಾಠಿ ಇದೀಗ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಡೆಲ್ಲಿ ಪ್ರೀಮಿಯರ್ ಲೀಗ್ (ಡಿಪಿಎಲ್) 2025ರ ಪಂದ್ಯದ ವೇಳೆ ಸೌತ್ ಡೆಲ್ಲಿ ಸೂಪರ್‌ಸ್ಟಾರ್ಜ್ ಬೌಲರ್ ರಾಠಿ ವೆಸ್ಟ್ ಡೆಲ್ಲಿ ಲಯನ್ಸ್ ಬ್ಯಾಟ್ಸ್‌ಮನ್ ಜೊತೆ ಮಾತಿನ ಚಕಮಕಿ ನಡೆಸಿದರು. ಈ ಘಟನೆಯ ನಂತರ ಸ್ಪಿನ್ನರ್ ಸತತ ಎರಡು ಸಿಕ್ಸರ್‌ಗಳನ್ನು ಹೊಡೆಸಿಕೊಂಡರು. ಐಪಿಎಲ್‌ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ರಾಠಿ ಅವರನ್ನು ಒಂದು ಪಂದ್ಯಕ್ಕೆ ನಿಷೇಧ ಹೇರಿ ಬಿಸಿಸಿಐ ಆದೇಶಿಸಿತ್ತು. ಬಳಿಕ ಹರಾಜಿನಲ್ಲಿ ದೊಡ್ಡ ಮೊತ್ತಕ್ಕೆ ಬಿಕರಿಯಾದರು.

ಆದಾಗ್ಯೂ, ವೆಸ್ಟ್ ಡೆಲ್ಲಿ ಲಯನ್ಸ್ ತಂಡದ ಆರಂಭಿಕ ಆಟಗಾರ ಅಂಕಿತ್ ಕುಮಾರ್ ಅವರೊಂದಿಗೆ ರಾಠಿ ಮಾತಿನ ಚಕಮಕಿಯಲ್ಲಿ ತೊಡಗಿದ್ದರು.

ರಾಠಿ ಬೌಲ್ ಮಾಡುವ ವೇಳೆ ಹಿಂದೆ ಸರಿಯುತ್ತಿದ್ದ ತಂತ್ರವನ್ನು ಹಲವಾರು ಬಾರಿ ಐಪಿಎಲ್‌ನಲ್ಲಿ ಬಳಸಿದ್ದರು. ಅದರಂತೆ ಡಿಪಿಎಲ್‌ನಲ್ಲೂ ಬಳಸಿದರು. ಬಳಿಕ ಬಾಲ್ ಅನ್ನು ಅವರು ಎಸೆಯಲು ಮುಂದಾದಾಗ ಬ್ಯಾಟ್ಸ್‌ಮನ್ ದೂರ ಸರಿಯಲು ನಿರ್ಧರಿಸಿದರು.

ಇದು ಇಬ್ಬರು ಕ್ರಿಕೆಟಿಗರ ನಡುವೆ ಮಾತಿನ ಚಕಮಕಿಗೆ ಕಾರಣವಾಯಿತು ಮತ್ತು ಮುಂದಿನ ಬಾರಿ ರಾಠಿ ಬೌಲಿಂಗ್ ಮಾಡಲು ಬಂದಾಗ, ಅಂಕಿತ್ ಅವರ ಎಸೆತದಲ್ಲಿ ಸತತ ಎರಡು ಸಿಕ್ಸರ್‌ಗಳೊಂದಿಗೆ ಅವರನ್ನು ಸ್ವಾಗತಿಸಿದರು. ಬಳಿಕ ಬ್ಯಾಟ್ಸ್‌ಮನ್ ರಾಠಿ ಕಡೆಗೆ ತಿರುಗಿ 'ಎರಡು' ಎಂದು ಸನ್ನೆಯನ್ನು ಸಹ ಮಾಡಿದರು.

ರಾಠಿ ಪಂದ್ಯದಲ್ಲಿ ವಿಕೆಟ್ ಪಡೆಯದಿದ್ದರೂ, ಅಂಕಿತ್ ಕೇವಲ 46 ಎಸೆತಗಳಲ್ಲಿ 11 ಬೌಂಡರಿ ಮತ್ತು 6 ಸಿಕ್ಸರ್‌ಗಳ ನೆರವಿನಿಂದ 96 ರನ್ ಗಳಿಸಿದರು. ವೆಸ್ಟ್ ಡೆಲ್ಲಿ ಲಯನ್ಸ್ ತಂಡವು ಪಂದ್ಯವನ್ನು 8 ವಿಕೆಟ್‌ಗಳಿಂದ ಗೆದ್ದುಕೊಂಡಿತು.