ನಿಕೋಲಾಸ್ ಪೂರಣ್ ಅದ್ಭುತ ಫೀಲ್ಡಿಂಗ್ ಗೆ ಸಚಿನ್, ಸೆಹ್ವಾಗ್ ಫಿದಾ!

ಸೆ.27 ರಂದು ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ ಐತಿಹಾಸಿಕ ಗೆಲುವು ದಾಖಲಿಸಿತ್ತು. 

ಈ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ನೀಡಿದ್ದ 223 ರನ್ ಗಳ ಗುರಿ ಬೆನ್ನಟ್ಟಿ 19.3 ಓವರ್ ಗಳಲ್ಲಿ 226 ರನ್ ಗಳಿಸಿದ ರಾಜಸ್ಥಾನ್ ರಾಯಲ್ಸ್ ತಂಡ ಅತಿ ಹೆಚ್ಚು ರನ್ ಚೇಸ್ ಮಾಡಿದ ತಂಡ ಎಂಬ ದಾಖಲೆ ಬರೆದಿದೆ. ಈ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡದ ಆಟಗಾರ ಸಂಜು ಸ್ಯಾಮ್ಸನ್ ಪಂದ್ಯದ ನಿರ್ಣಾಯಕ ಘಟ್ಟದಲ್ಲಿ ಸಿಕ್ಸರ್ ಭಾರಿಸಲು ಬಲವಾಗಿ ಬ್ಯಾಟ್ ಬೀಸಿದ್ದರು.

ಶರವೇಗದಲ್ಲಿ ಚೆಂಡು ಬೌಂಡರಿಯತ್ತ ಧಾವಿಸಿತ್ತು. ಆದರೆ ನೋಡ ನೋಡುತ್ತಿದ್ದಂತೆಯೇ ಬೌಂಡರಿ ಬಳಿ ಇದ್ದ ಕಿಂಗ್ಸ್ ಇಲೆವೆನ್ ಪಂಜಾಬ್ ನ ಫೀಲ್ಡರ್ ನಿಕೋಲಾಸ್ ಪೂರಣ್ ನೇರವಾಗಿ ಬೌಂಡರಿ ತಲುಪುತ್ತಿದ್ದ ಚೆಂಡನ್ನು ಅದ್ಭುತ ಕ್ಯಾಚ್ ಮೂಲಕ ಬೌಂಡರಿ ತಾಗದಂತೆ ತಡೆದರು. ಈ ವಿಡಿಯೋ ಎಲ್ಲೆಡೆ ವೈರಲ್ ಆಗತೊಡಗಿದೆ. ನಿಕೋಲಾಸ್ ಪೂರಣ್ ಫೀಲ್ಡಿಂಗ್ ಗೆ ಕ್ರಿಕೆಟ್ ದಿಗ್ಗಜರಾದ ಸಚಿನ್ ತೆಂಡೂಲ್ಕರ್ ವಿರೇಂದ್ರ ಸೆಹ್ವಾಗ್ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.