ಐಪಿಎಲ್ ನಲ್ಲಿ ಆರ್ ಸಿಬಿ ವೈಫಲ್ಯ: ನಾಯಕ ವಿರಾಟ್ ಕೊಹ್ಲಿ ತೀವ್ರ ವಿಷಾದ

ನವದೆಹಲಿ :  ಪ್ರಸಕ್ತ ಸಾಲಿನ ಐಪಿಎಲ್ ಆವೃತ್ತಿಯಲ್ಲಿ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡ ನಾಕ್ ಔಟ್ ಹಂತ  ತಲುಪದಿರುವುದಕ್ಕೆ ಹಾಗೂ ಉತ್ತಮ ಪ್ರದರ್ಶನ ತೋರುವಲ್ಲಿ ವಿಫಲರಾಗಿರುವುದಕ್ಕೆ ಈ ತಂಡದ ನಾಯಕ ವಿರಾಟ್ ಕೊಹ್ಲಿ ತೀವ್ರ ವಿಷಾದ ವ್ಯಕ್ತಪಡಿಸಿದ್ದಾರೆ.

ದುರ್ಬಲ ಬೌಲಿಂಗ್ ದಾಳಿ ಹಾಗೂ  ಕೊಹ್ಲಿ ಹಾಗೂ ಎ ಬಿ ಡಿವಿಲ್ಲಿಯರ್ಸ್  ಅವಲಂಬಿತ   ಅಸಮರ್ಥ ಬ್ಯಾಟಿಂಗ್ ನಿಂದಾಗಿ  ಆರ್ ಸಿಬಿ ಆಡಿದ್ದ 14 ಪಂದ್ಯಗಳ ಪೈಕಿ 8 ಪಂದ್ಯಗಳಲ್ಲಿ ಸೋಲುವ ಮೂಲಕ ಕೆಳ ಕ್ರಮಾಂಕದಲ್ಲಿ ಮೂರನೇ ಸ್ಥಾನವನ್ನು ಹೊಂದಿದೆ.

ಪ್ರಸಕ್ತ ಆವೃತ್ತಿಯಲ್ಲಿ ಮೆಚ್ಚುವಂತಹ ಆಟ ಪ್ರದರ್ಶಿಸಲಿಲ್ಲ. ನನ್ನಗೆ ತುಂಬಾ ನೋವಾಗಿದ್ದು, ಹೇಗೆ ಆಟವಾಡಲಿ,  ತಮ್ಮ ಮೇಲೆ ಅಪಾರ ನಂಬಿಕೆ ಹೊಂದಿದ್ದ ಕ್ರಿಕೆಟ್ ಪ್ರಿಯರ ಬಳಿ ಕ್ಷಮೆಯಾಚಿಸುವುದಾಗಿ ಕೊಹ್ಲಿ ಟ್ವೀಟರ್ ನಲ್ಲಿ ವಿಡಿಯೋ ಪೋಸ್ಟ್ ಮಾಡಿದ್ದಾರೆ.

ಇದೆಲ್ಲಾ ಜೀವನದ ಭಾಗವಾಗಿದೆ. ನೀವೂ ಕೂಡಾ ಬಯಸಿದನೆಲ್ಲಾ ಪಡೆಯಲು ಸಾಧ್ಯವಿಲ್ಲ. ಮುಂದಿನ ಆವೃತ್ತಿಯಲ್ಲಿ ಏನು ಮಾಡಬಹುದು ಎಂಬ ಬಗ್ಗೆ ಆಟಗಾರರು ಅರ್ಥ ಮಾಡಿಕೊಂಡಿದ್ದಾರೆ. ಮುಂದೆ ಈ ರೀತಿ ಆಗುವುದಿಲ್ಲ, ಮುಂದಿನ ವರ್ಷ ಹೆಚ್ಟಿನ ಪ್ರಯತ್ನ ಹಾಕುವುದಾಗಿ ಎಂದು ವಿರಾಟ್ ಕೊಹ್ಲಿ ಹೇಳಿದ್ದಾರೆ.

ವಿರಾಟ್ ಕೊಹ್ಲಿ 14 ಪಂದ್ಯಗಳಲ್ಲಿ  54.80ರ ಸರಾಸರಿಯಲ್ಲಿ 548 ರನ್ ಪಡೆದಿದ್ದು, ಈ ವರ್ಷದ ಐಪಿಎಲ್ ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ  ಆರನೇ  ಸ್ಥಾನ ಪಡೆದಿದ್ದಾರೆ. ಡಿವಿಲ್ಲಿಯರ್ಸ್  53. 33 ರ ಸರಾಸರಿಯಲ್ಲಿ 480 ರನ್ ಗಳಿಸಿದ್ದು, 9 ನೇ ಸ್ಥಾನದಲ್ಲಿದ್ದಾರೆ.