ಭಾರತದ ಗೆಲುವಿಗೆ ಒಂದೇ ವಿಕೆಟ್ ಬಾಕಿ, ನಿರ್ಣಾಯಕ ಘಟ್ಟದಲ್ಲಿ ಮೊದಲ ಟೆಸ್ಟ್ ಪಂದ್ಯ

ಅಡಿಲೇಡ್: ಓವಲ್ ಮೈದಾನದಲ್ಲಿ ನಡೆಯುತ್ತಿರುವ ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಂ ಇಂಡಿಯಾ ಮೇಲುಗೈ ಸಾಧಿಸಿದ್ದು, ಪಂದ್ಯ ನಿರ್ಣಾಯಕ ಹಂತ ತಲುಪಿದೆ.

ನಿನ್ನೆ ದಿನದಾಟದ ಅಂತ್ಯಕ್ಕೆ 4 ವಿಕೆಟ್ ನಷ್ಟಕ್ಕೆ 104 ರನ್ ಗಳಿಸಿದ್ದ ಕಾಂಗರೂಗಳು ಇಂದು ಬುಮ್ರಾ ವೇಗದ ದಾಳಿಗೆ ಸಿಲುಕಿ ಮತ್ತೆ 3 ವಿಕೆಟ್ ಕಳೆದುಕೊಂಡಿದ್ದಾರೆ. ಆ ಮೂಲಕ ಭಾರತದ ಗೆಲುವಿಗೆ ಇನ್ನೂ ಕೇವಲ 1 ವಿಕೆಟ್ ಮಾತ್ರ ಬೇಕಿದ್ದು, ಆಸ್ಟ್ರೇಲಿಯಾ ತಂಡದ ಗೆಲುವಿಗೆ ಇನ್ನೂ 53 ರನ್ ಗಳ ಅವಶ್ಯಕತೆ ಇದೆ. 

ಹಾಲಿ ಪರಿಸ್ಥಿತಿಯಲ್ಲಿ ಆಸ್ಟ್ರೇಲಿಯಾ ತಂಡ ಸೋಲಿನತ್ತ ಮುಖ ಮಾಡಿದ್ದು, ಭಾರತೀಯ ಬೌಲರ್ ಗಳು ಬಾಕಿ ಉಳಿದಿರುವ 1 ವಿಕೆಟ್ ಪಡೆದರೆ ಆಸ್ಟ್ರೇಲಿಯಾದಲ್ಲಿ ಐತಿಹಾಸಿಕ ಗೆಲುವು ತಂಡದಾಗುತ್ತದೆ. ನಿನ್ನೆ ಅಂತಿಮ ದಿನಕ್ಕೆ ಬ್ಯಾಟಿಂಗ್ ಕಾಯ್ದು ಕೊಂಡಿದ್ದ ಅಪಾಯಕಾರಿ ಬ್ಯಾಟ್ಸಮನ್ ಶಾನ್ ಮಾರ್ಷ್ ಇಂದು ಅರ್ಧಶತಕ ಸಿಡಿಸಿ ಭಾರತದ ಆತಂಕಕ್ಕೆ ಕಾರಣವಾಗಿದ್ದರು.  ಆದರೆ 60 ರನ್ ಗಳಿಸಿದ್ದ ಮಾರ್ಷ್ ಬುಮ್ರಾ ಬೌಲಿಂಗ್ ನಲ್ಲಿ ಅನಗತ್ಯವಾಗಿ ಚೆಂಡನ್ನು ಕೆಣಕಿ ರಿಷಬ್ ಪಂತ್ ಗೆ ಕ್ಯಾಚ್ ನೀಡಿ ಹೊರ ನಡೆದರು. 

ಬಳಿಕ ಬಂದ ಹ್ಯಾಂಡ್ಸ್ ಕಾಂಬ್ ಮತ್ತು ಟ್ರಾವಿಸ್ ಹೆಡ್ ತಲಾ 14 ರನ್ ಗಳಿಸಿ ಔಟ್ ಆದರೆ, ನಾಯಕ ಟಿಮ್ ಪೈನೆ 41 ರನ್ ಗಳಿಸಿ ಭಾರತದ ಗೆಲುವಿಗೆ ಅಡ್ಡಲಾಗಿ ನಿಂತರು. ಆದರೆ ಮತ್ತೆ ದಾಳಿಗಿಳಿದ ಜಸ್ ಪ್ರೀತ್ ಬುಮ್ರಾ ಆಸಿಸ್ ನಾಯಕನಿಗೆ ಪೆವಿಲಿಯನ್ ದಾರಿ ತೋರಿಸಿದರು.

ಪ್ರಸ್ತುತ ಆಸಿಸ್ ನ ಬಾಲಂಗೋಚಿ ಬ್ಯಾಟ್ಸಮನ್ ಗಳಾದ ಹೇಜಲ್ ವುಡ್ (3 ರನ್) ಮತ್ತು ನಾಥನ್ ಲಿಯಾನ್ (28 ರನ್) ಆಟವಾಡುತ್ತಿದ್ದು, ಭಾರತಕ್ಕೆ ಗೆಲ್ಲಲು 1 ವಿಕೆಟ್ ನ ಅವಶ್ಯಕತೆ ಇದೆ.