ಪೆಪ್ಸಿ ಒಪ್ಪಂದ ನವೀಕರಣಕ್ಕೆ ಕೊಹ್ಲಿ ನಕಾರ
ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ತಾವು ಸೇವಿಸುವ ಅಥವಾ ಬಳಸುವ ಉತ್ಪನ್ನಗಳನ್ನು ಮಾತ್ರ ಪ್ರಚಾರ ಮಾಡುವ ನಿರ್ಧಾರ ತೆಗೆದುಕೊಂಡಿದ್ದು ಸಾಫ್ಟ್...
Published On :
ನವದೆಹಲಿ: ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ತಾವು ಸೇವಿಸುವ ಅಥವಾ ಬಳಸುವ ಉತ್ಪನ್ನಗಳನ್ನು ಮಾತ್ರ ಪ್ರಚಾರ ಮಾಡುವ ನಿರ್ಧಾರ ತೆಗೆದುಕೊಂಡಿದ್ದು ಸಾಫ್ಟ್ ಡ್ರಿಂಕ್ಸ್ ಪೆಪ್ಸಿ ಜತೆಗಿನ 6 ವರ್ಷಗಳ ಒಪ್ಪಂದವನ್ನು ನವೀಕರಿಸಲು ನಿರಾಕರಿಸಿದ್ದಾರೆ.
ಪೆಪ್ಸಿ ಕೊಹ್ಲಿಯನ್ನು ಪ್ರಚಾರ ರಾಯಭಾರಿಯಾಗಿ ಮುಂದುವರಿಸಲು ಆಸಕ್ತಿ ತೋರಿತ್ತು. ಆದರೆ ಕೊಹ್ಲಿ ನಾನು ಪೆಪ್ಸಿ ಕುಡಿಯಲ್ಲ, ಬೇರೆಯವರಿಗೆ ಕುಡಿಯಲು ಹೇಳಲಾರೆ ಎಂದು ಸ್ಪಷ್ಟವಾಗಿ ಆಫರ್ ತಿರಸ್ಕರಿಸುವ ಮೂಲಕ ದಿಟ್ಟ ಹೆಜ್ಜೆಯನ್ನು ಇಟ್ಟಿದ್ದಾರೆ.
ಫಿಟ್ನೆಸ್ ಕಾರಣಗಳಿಂದಾಗಿ ಕೊಹ್ಲಿ ಪೆಪ್ಸಿಯಂಥ ಯಾವುದೇ ಸಾಫ್ಟ್ ಡ್ರೀಂಕ್ಸ್ ಗಳನ್ನು ಕುಡಿಯುವುದಿಲ್ಲ. ಹೀಗಾಗಿ ಹಣ ಸಿಗುತ್ತದೆಂಬ ಕಾರಣಕ್ಕಾಗಿ ನಾನು ಬೇರೆಯವರಿಗೆ ಇದನ್ನು ಕುಡಿಯಿರಿ ಎಂದು ಪ್ರೇರೇಪಿಸಲಾರೆ ಎಂದು ಕೊಹ್ಲಿ ಹೇಳಿದ್ದಾರೆ.
ವಿರಾಟ್ ಕೊಹ್ಲಿ ಅವರ ಬ್ರ್ಯಾಂಡ್ ಮೊತ್ತ 120 ದಶಳಕ್ಷ ಡಾಲರ್(773 ಕೋಟಿ ರು.) ಹೆಚ್ಚಿದೆ ಎಂದು ಸ್ವತಃ ವಿರಾಟ್ ಕೊಹ್ಲಿಯೇ ಸಂದರ್ಶನವೊಂದರಲ್ಲಿ ಹೇಳಿದ್ದರು. ಸದ್ಯ ಕೊಹ್ಲಿ 18 ಬ್ರ್ಯಾಂಡ್ ಗಳ ಪ್ರಚಾರ ರಾಯಭಾರಿಯಾಗಿದ್ದಾರೆ. ಇದರಲ್ಲಿ ಆಹಾರೋತ್ಪನ್ನ, ಪಾನೀಯ, ಆಡಿ ಕಾರ್, ಕೋಲ್ಗೆಟ್, ಪುಮಾ ಕ್ರೀಡಾ ಉಡುಪು, ಎಂಆರ್ಎಫ್ ಟೈರ್, ಟಿಸಾಟ್ ವಾಜ್, ಲಗೇಜ್ ಬ್ಯಾಗ್ ಮುಂತಾದವು ಸೇರಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.