ಇಂಗ್ಲೆಂಡ್ ಸರಣಿಗೆ ಟೀಂ ಇಂಡಿಯಾಗೆ ಹೊಸ ಜೆರ್ಸಿ

ನವದೆಹಲಿ: ಇಂಗ್ಲೆಂಡ್ ವಿರುದ್ಧ ಏಕದಿನ ಮತ್ತು ಟಿ20 ಸರಣಿಗಳನ್ನು ಆಡಲಿರುವ ಟೀಂ ಇಂಡಿಯಾಗೆ ಹೊಸ ಕಿಟ್ ನೀಡಲಾಗಿದೆ.

ಟೀಂ ಇಂಡಿಯಾ ಪುರುಷ ಮತ್ತು ಮಹಿಳಾ ಕ್ರಿಕೆಟ್ ತಂಡ ಎರಡಕ್ಕೂ ಹೊಸ ಜೆರ್ಸಿ ನೀಡಲಾಗಿದ್ದು ಇದರ ಪ್ರಾಯೋಜಕತ್ವ ನೈಕ್ ಕಂಪನಿಯಾಗಿದೆ. ಹೊಸ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ. ಹೊಸ ಜೆರ್ಸಿ ತೊಟ್ಟು ಆಟಗಾರರು ಕಣಕ್ಕಿಳಿಯಲಿದ್ದಾರೆ.

ಈ ಹೊಸ ಜೆರ್ಸಿಯೊಂದಿಗೆ ಆಟಗಾರರು ಯಾವುದೇ ಅಡೆತಡೆಗಳಿಲ್ಲದೆ ಪ್ರದರ್ಶನ ನೀಡಬಹುದಾಗಿದೆ. ಬಿಸಿಲಿನ ವಾತಾವರಣದಲ್ಲಿಯೂ ಆಟಗಾರರಿಗೆ ತಂಪು ನೀಡುವಲ್ಲಿ ಜೆರ್ಸಿ ನೆರವಾಗಲಿದೆ.

ಇಂಗ್ಲೆಂಡ್ ವಿರುದ್ಧದ ಸರಣಿಗೆ ವಿರಾಟ್ ಕೊಹ್ಲಿ ನಾಯಕತ್ವ ವಹಿಸಲಿದ್ದಾರೆ. ಬಿಸಿಸಿಐ ಬಿಡುಗಡೆ ಮಾಡಿರುವ ಫೋಟೋದಲ್ಲಿ ವಿರಾಟ್ ಕೊಹ್ಲಿ, ಮಹೇಂದ್ರ ಸಿಂಗ್ ಧೋನಿ, ಅಜಿಂಕ್ಯ ರಹಾನೆ ಮಹಿಳಾ ತಂಡದ ನಾಯಕಿ ಮಿಥಾಲಿ ರಾಜ್ ಮತ್ತು ಸ್ಮೃತಿ ಮಂದಾನ ಇದ್ದಾರೆ.