ಬಿಸಿಸಿಐಗೆ ಹಿನ್ನಡೆ: ಭಾರತದ ಪಾಲಿಗೆ ವೈರಿಯಾದ ಮಾಜಿ ಬಿಸಿಸಿಐ ಅಧ್ಯಕ್ಷ ಮನೋಹರ್
ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ಆಡಳಿತ ಹಾಗೂ ಸಂವಿಧಾನದ ಬದಲಾವಣೆ ಹಾಗೂ ಹೊಸ ಹಣಕಾಸು ಹಂಚಿಕೆ ಮಾದರಿ ವಿರೋಧಿಸಿದ್ದ ಬಿಸಿಸಿಐಗೆ ಭಾರೀ...
Published On :
ನವದೆಹಲಿ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ಆಡಳಿತ ಹಾಗೂ ಸಂವಿಧಾನದ ಬದಲಾವಣೆ ಹಾಗೂ ಹೊಸ ಹಣಕಾಸು ಹಂಚಿಕೆ ಮಾದರಿ ವಿರೋಧಿಸಿದ್ದ ಬಿಸಿಸಿಐಗೆ ಭಾರೀ ಪೆಟ್ಟು ಬಿದ್ದಿದೆ.
ದುಬೈನಲ್ಲಿ ನಡೆದ ಐಸಿಸಿ ಮಂಡಳಿ ಸಭೆಯಲ್ಲಿ ಆಡಳಿತ ಹಾಗೂ ಸಂವಿಧಾನ ಬದಲಾವಣೆಯಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ ಪರವಾಗಿ 9 ಮತಗಳು ಚಲಾವಣೆಗೊಂಡರೆ ಹಣಕಾಸು ಹಂಚಿಕೆಗೆ ನೂತನ ಮಾದರಿ ಜಾರಿಗೆ ತರಲು ಐಸಿಸಿ ಪರ 8 ಮಂಡಳಿಗಳು ಮತ ಹಾಕಿದ್ದು ಬಿಸಿಸಿಐ ಜತೆಗಿದ್ದ ಜಿಂಬಾಬ್ವೆ ಹಾಗೂ ಬಾಂಗ್ಲಾದೇಶ ಮಂಡಳಿಗಳು ಕೊನೆ ಕ್ಷಣದಲ್ಲಿ ಪಕ್ಷ ಬದಲಿಸಿವೆ. ಈ ವಿಚಾರದಲ್ಲಿ ಬಿಸಿಸಿಐ ಬೆನ್ನಿಗೆ ನಿಂತಿದ್ದು ಲಂಕಾ ಮಂಡಳಿ ಮಾತ್ರ.
ಈ ಬಗ್ಗೆ ಮಾತನಾಡಿರುವ ಬಿಸಿಸಿಐ ಅಧಿಕಾರಿಯೊಬ್ಬರು ಹೌದು ಮತ ಚಲಾವಣೆ ನಮ್ಮ ವಿರುದ್ಧವಾಗಿ ನಡೆದಿದೆ. ಬಿಸಿಸಿಐ ಈ ಮೊದಲೇ ವಿರೋಧಿಸುತ್ತಾ ಬಂದಿದ್ದ ಎರಡೂ ಬದಲಾವಣೆಗಳ ವಿರುದ್ಧವಾಗಿಯೇ ಮತ ಹಾಕಿತು. ಐಸಿಸಿಯ ಈ ಬದಲಾವಣೆಗಳನ್ನು ಯಾವುದೇ ಕಾರಣಕ್ಕೂ ನಾವು ಒಪ್ಪಿಕೊಳ್ಳಲು ಸಿದ್ಧರಿಲ್ಲ. ಸದ್ಯ ನಮ್ಮ ಮುಂದಿರುವ ಆಯ್ಕೆಗಳ ಬಗ್ಗೆ ವಿಶೇಷ ಸಾಮಾನ್ಯ ಸಭೆಯಲ್ಲಿ ಚರ್ಚಿಸಿ ಸದಸ್ಯರಿಗೆ ಪರಿಸ್ಥಿತಿ ಬಗ್ಗೆ ವಿವರಿಸಲಿದ್ದೇವೆ ಎಂದರು.
ಬಿಗ್ ತ್ರೀ ಮಾದರಿ ಮುಂದುವರಿಸದಿದ್ದರೆ ಐಸಿಸಿ ಚಾಂಪಿಯನ್ಸ್ ಟ್ರೋಫಿಯಿಂದ ಹಿಂದೆ ಸರಿಯುವುದಾಗಿ ಬಿಸಿಸಿಐ ಎಚ್ಚರಿಕೆ ನೀಡಿತ್ತು. ಆದರೀಗ ಐಸಿಸಿ ಹೊಸ ಮಾದರಿ ಜಾರಿಗೆ ತರಲು ತೀರ್ಮಾನಿಸಿದೆ. ಗಡುವು ಮುಗಿದಿದ್ದರೂ ಚಾಂಪಿಯನ್ಸ್ ಟ್ರೋಫಿಗೆ ತಂಡ ಪ್ರಕಟಿಸದ ಬಿಸಿಸಿಐ ಪಂದ್ಯಾವಳಿಯಿಂದ ಹೊರಗುಳಿಯಲಿದೆಯಾ ಎನ್ನುವದರ ಕುರಿತು ಇನ್ನೂ ಸ್ಪಷ್ಟನೆ ಸಿಕ್ಕಿಲ್ಲ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.