ಕೆಪಿಎಲ್ ಟಿ20: ಸೆಮಿಫೈನಲ್ ಗೆ ಮೈಸೂರು ವಾರಿಯರ್ಸ್

ಹುಬ್ಬಳ್ಳಿ: ಕರ್ನಾಟಕ ಪ್ರಿಮಿಯರ್ ಲೀಗ್(ಕೆಪಿಎಲ್) 5ನೇ ಆವೃತ್ತಿಯಲ್ಲಿ ಮೈಸೂರು ವಾರಿಯರ್ಸ್ ತಂಡ ಭರ್ಜರಿ ಪ್ರದರ್ಶನ ನೀಡುತ್ತಿದ್ದು ಕೆಪಿಎಲ್ ಟಿ20 ಸೆಮಿಫೈನಲ್ ಗೆ ಪ್ರವೇಶಿಸಿದೆ.

ರಾಜನಗರ ಕೆಎಸ್ಸಿಎ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಮೈಸೂರು ತಂಡ ನಿಗದಿತ ಓವರ್ ನಲ್ಲಿ 142 ರನ್ ಗಳಿಸಿತು. ಮೈಸೂರು ತಂಡ ನಾಯಕ ಮನೀಷ್ ಪಾಂಡ್ಯೆ 44 ರನ್ ಹಾಗೂ ಜೋನಾಥನ್ 43 ರನ್ ಗಳ ನೆರವಿನಿಂದ 142 ರನ್ ಗಳಿಸಲು ಸಾಧ್ಯವಾಯಿತು. 143 ರನ್ ಗಳ ಗುರಿ ಬೆನ್ನಟ್ಟಿದ ಬೆಳಗಾವಿ ತಂಡ 17.2 ಓವರ್ ನಲ್ಲಿ 108 ರನ್ ಗಳಿಸಿ 34 ರನ್ ಗಳಿಂದ ಮೈಸೂರು ತಂಡಕ್ಕೆ ಶರಣಾಯಿತು.

ಬೆಳಗಾವಿ ತಂಡದ ಆರಂಭಿಕ ಆಟಗಾರ ಮಾಯಂಕ್ ಅಗರವಾಲ್ ಹಾಗೂ ವಿನಯ್ ಬಿಟ್ಟರೆ ಮತ್ಯಾರು ಎರಡಂಕಿ ದಾಟಲು ಸಾಧ್ಯವಾಗಲಿಲ್ಲ.