ಪುಣೆ ವಿರುದ್ಧ ಸೋಲು: ಡೆಲ್ಲಿಗೆ ಪ್ಲೇ ಆಫ್ ಹಾದಿ ದುರ್ಗಮ

ವಿಶಾಖಪಟ್ಟಣ: ಐಪಿಎಲ್ 9ನೇ ಆವೃತ್ತಿಯ ಪ್ಲೇ ಆಫ್ ರೇಸ್ ನಲ್ಲಿ ನಿಧಾನವಾಗಿ ಹಿಂದೆ ಬೀಳುತ್ತಿರುವ ಡೆಲ್ಲಿ ಡೇರ್ ಡೆವಿಲ್ಸ್ ತಂಡ ರೈಸಿಂಗ್ ಪುಣೆ ಸೂಪರ್ ಜೈಂಟ್ಸ್ ವಿರುದ್ಧ ಸೋಲು ಅನುಭವಿಸಿದ್ದು, ಡೆಲ್ಲಿ ಪ್ಲೇ ಆಪ್ ಕನಸು ದುರ್ಗಮಗೊಂಡಿದೆ.

ಡಾ. ವೈಎಸ್ ರಾಜಶೇಖರ ರೆಡ್ಡಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋ ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ನಿಗದಿತ ಓವರ್ ನಲ್ಲಿ 6 ವಿಕೆಟ್ ನಷ್ಟಕ್ಕೆ 121 ರನ್ ಗಳಿಸಿತು. ಸಾಧಾರಣ ಮೊತ್ತ ಬೆನ್ನಟ್ಟಿದ ಪುಣೆ ತಂಡ 8.2 ಓವರ್ ನಲ್ಲಿ 1 ವಿಕೆಟ್ ನಷ್ಟಕ್ಕೆ 57 ರನ್ ಗಳಿಸಿದಾಗ ಮಳೆಯಿಂದಾಗಿ ಪಂದ್ಯ ಒಂದು ಗಂಟೆ ಸ್ಧಗಿತಗೊಂಡಿತು.

ಮತ್ತೆ ಆಟ ಆರಂಭವಾಗಿ 11 ಓವರ್ ಗೆ 1 ವಿಕೆಟ್ ನಷ್ಟಕ್ಕೆ 76 ರನ್ ಗಳಿಸಿದ್ದಾಗ ಮತ್ತೆ ಮಳೆ ಬಂದಿದ್ದರಿಂದ ಡಕ್ ವರ್ಥ್ ಲೂಯಿಸ್ ನಿಯಮದಡಿ ಪುಣೆ ತಂಡ 19 ರನ್ ಗಳಿಂದ ಪಂದ್ಯ ಜಯ ಗಳಿಸಿದೆ ಎಂದು ಘೋಷಿಸಲಾಯಿತು.

ಪುಣೆ ಪರ ಅಂಜಿಕ್ಯ ರಹಾನೆ ಅಜೇಯ 42, ಖವಾಜ 19, ಜಾರ್ಜ್ ಬೆಲ್ಲಿ ಅಜೇಯ 8 ರನ್ ಗಳಿಸಿದ್ದಾರೆ.

ಡೆಲ್ಲಿ ಪರ ಡಿಕಾಕ್ 2, ಶ್ರೇಯಸ್ ಅಯ್ಯರ್ 8, ಕರುಣ್ ನಾಯರ್ 41, ಸ್ಯಾಮ್ಸನ್ 10, ರಿಷಭ್ ಪಂತ್ 4, ಜೆಪಿ ಡುಮಿನಿ 14, ಕ್ರಿಸ್ ಮೋರಿಸ್ ಅಜೇಯ 38 ರನ್ ಗಳಿಸಿದ್ದಾರೆ.

ಪುಣೆ ಪರ ಅಶೋಕ್ ದಿಂಡಾ ಹಾಗೂ ಆಡಂ ಝಂಪಾ ತಲಾ 3 ವಿಕೆಟ್ ಪಡೆದಿದ್ದಾರೆ.