"ಅಮೆರಿಕದಲ್ಲಿ ಅದ್ಬುತ ಕ್ರಿಕೆಟ್": ಭಾರತ-ವಿಂಡೀಸ್ ಟಿ20 ಕುರಿತು ಕ್ರಿಕೆಟ್ ದೇವರ ಗುಣಗಾನ

ಮುಂಬೈ: ಅಮೆರಿಕದ ಫ್ಲೋರಿಡಾದಲ್ಲಿ ನಡೆದ ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಮೊದಲ ಟಿ20 ಪಂದ್ಯದ ಕುರಿತು ಭಾರತದ ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಅವರು ಟ್ವೀಟ್ ಮಾಡಿದ್ದು, ಅಮೆರಿಕ ಅದ್ಬುತ ಕ್ರಿಕೆಟ್ ಗೆ ಸಾಕ್ಷಿಯಾಯಿತು ಎಂದು ಹೇಳಿದ್ದಾರೆ.

ಪಂದ್ಯ ರೋಚಕ ಮುಕ್ತಾಯ ಕಾಣುತ್ತಿದ್ದಂತೆಯೇ ಟ್ವೀಟ್ ಮಾಡಿರುವ ಸಚಿನ್ ತೆಂಡೂಲ್ಕರ್ ಅಮೆರಿಕ ಮತ್ತು ಪ್ರಪಂಚದ ಇತರೆ ದೇಶಗಳಿಗೆ ಅತ್ಯುತ್ತಮ ಟಿ20 ಕ್ರಿಕೆಟ್ ಪಂದ್ಯದ ರಸದೌತಣ ದೊರೆತಿದೆ. ಉಭಯ ತಂಡಗಳೂ ಅತ್ಯುತ್ತಮವಾಗಿ ಆಡಿದವು ಎಂದು ಹೇಳಿದ್ದಾರೆ. ಇದೇ ವೇಳೆ ಕನ್ನಡಿಗೆ ಕೆಎಲ್ ರಾಹುಲ್ ಆಟವನ್ನು ಕೊಂಡಾಡಿರುವ ಸಚಿನ್, ಧೋನಿ ತಂಡ ಗೆಲುವಿಗಾಗಿ ಅಂತಿಮ ಕ್ಷಣದವರೆಗೂ ಅತ್ಯುತ್ತಮವಾಗಿ ಹೋರಾಡಿತು ಎಂದು ಹೇಳಿದ್ದಾರೆ.