'ಕುಟುಂಬದ ಕನಸು ನನಸು': 'ಜೈಲರ್ 2' ಬಿಡುಗಡೆ ಬೆನ್ನಲ್ಲೇ ನಟಿ ಮೇಘನಾ ರಾಜ್ ಮಾತು!

ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ ‘ಜೈಲರ್ 2’ ಸಿನಿಮಾ ಬಿಡುಗಡೆಯಾಗಿದ್ದು, ಅಭಿಮಾನಿಗಳು ಸೇರಿದಂತೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

ಈ ಹಿಂದೆ ಜೈಲರ್ ಸಿನಿಮಾ ರಿಲೀಸ್ ಆಗಿ ಭಾರೀ ಸಕ್ಸಸ್ ಕಂಡಿತ್ತು ಮತ್ತು ಬಾಕ್ಸ್ ಆಫೀಸ್​ನಲ್ಲಿ ಭರ್ಜರಿ ಕಲೆಕ್ಷನ್ ಕೂಡಾ ಮಾಡಿತ್ತು. ಇದೀಗ ಮತ್ತಷ್ಟು ಸ್ಟಾರ್ ಕಾಸ್ಟಿಂಗ್ ಜೊತೆ ಜೈಲರ್ 2 ಸಿನಿಮಾ ಬಿಡುಗಡೆಯಾಗಿದೆ.

‘ಜೈಲರ್ 2’ ಬಿಡುಗಡೆ ಬೆನ್ನಲ್ಲೇ ರಜನಿಕಾಂತ್ ಅವರನ್ನು ಭೇಟಿ ಮಾಡಿದ ಫೋಟೋಗಳನ್ನು ಹಂಚಿಕೊಂಡಿರುವ ನಟಿ ಮೇಘನಾ ರಾಜ್ ಅವರು, ಅಕ್ಟೋಬರ್ ತಿಂಗಳು ನನಗೆ ಯಾವಾಗಲೂ ವಿಶೇಷವೇ; ಚಿರು ಮತ್ತು ರಾಯನ್ ಅವರ ಹುಟ್ಟುಹಬ್ಬಗಳು ಬರುವುದರಿಂದ, ಈ ತಿಂಗಳು ನನ್ನ ಹೃದಯಕ್ಕೆ ಬಹಳ ಹತ್ತಿರವಾಗಿದೆ ಎಂದು ಬರೆದುಕೊಂಡಿದ್ದಾರೆ.

ಇನ್ನು ಅಕ್ಟೋಬರ್ 15ನೇ ತಾರೀಖು ಇನ್ನಷ್ಟು ವಿಶೇಷವಾದ ಸ್ಥಾನವನ್ನು ಪಡೆದುಕೊಂಡಿದೆ. ಅದು ಜೈಲರ್ 2 ಬಿಡುಗಡೆಯಾದ ದಿನ! ಎಂದು ಮೇಘನಾ ರಾಜ್ ಹೇಳಿದ್ದಾರೆ.

ಭಾರತೀಯ ಚಿತ್ರರಂಗದ ದೇವರೆಂದೇ ಕರೆಯಲ್ಪಡುವ, ಅಪ್ರತಿಮ ನಟ ರಜನಿ ಸರ್ ಅವರೊಂದಿಗೆ ತೆರೆ ಹಂಚಿಕೊಳ್ಳುವುದು ನನಗಷ್ಟೇ ಅಲ್ಲ, ನನ್ನ ಇಡೀ ಕುಟುಂಬಕ್ಕೇ ಒಂದು ಕನಸು ಇಂದು ನನಸಾದ ಕ್ಷಣವಾಗಿದೆ. ಕೆಲವು ಕ್ಷಣಗಳು ಎಷ್ಟು ಅಮೂಲ್ಯವಾಗಿರುತ್ತವೆಯೆಂದರೆ, ಅವುಗಳನ್ನು ತಕ್ಷಣವೇ ಹಂಚಿಕೊಳ್ಳಲು ಮನಸ್ಸಾಗುವುದಿಲ್ಲ; ಹಾಗಾಗಿಯೇ ನಾನು ಈ ಫೋಟೋಗಳನ್ನು ಸುಮಾರು ಒಂದು ವರ್ಷದವರೆಗೂ ನನ್ನ ಬಳಿಯೇ ಇಟ್ಟುಕೊಂಡಿದ್ದೆ! ಎಂದು ಹೇಳಿದ್ದಾರೆ.

ಮತ್ತು ನಂಬಿ, ಇನ್ನೂ ಹೆಚ್ಚಿನ ವಿಶೇಷಗಳು ಬರಲಿವೆ!

ಅವರು ಒಬ್ಬ ವ್ಯಕ್ತಿ, ಒಂದು ದಂತಕಥೆ, ಒಂದು ಅದ್ಭುತ ಇತಿಹಾಸ!

ಈ ಚಿತ್ರದ ಬಿಡುಗಡೆ ಇನ್ನಷ್ಟು ವಿಶೇಷವಾಗಿದೆ, ಏಕೆಂದರೆ ಇದು ಚಿರು ಅವರ ಹುಟ್ಟುಹಬ್ಬದ ದಿನದ ಹತ್ತಿರವೇ ಬಂದಿದೆ. ಜೀವನದ ಕೆಲವು ಮೈಲಿಗಲ್ಲುಗಳು ವಿಶೇಷವಾದ ಭಾವನೆಗಳನ್ನು ಹೊತ್ತು ತರುತ್ತವೆ; ಈ ಕ್ಷಣವೂ ಅಂತಹದ್ದೇ ಒಂದು ಮರೆಯಲಾಗದ ಮೈಲಿಗಲ್ಲಾಗಿ ಉಳಿಯುತ್ತದೆ ಎಂದು ಮೇಘನಾ ತಿಳಿಸಿದ್ದಾರೆ.