ನಟ ಪ್ರಭುದೇವ ಎರಡನೇ ವಿವಾಹ: ಸ್ಪಷ್ಟನೆ ನೀಡಿದ ಸೋದರ ರಾಜು ಸುಂದರಂ

ನವದೆಹಲಿ: ನಟ ಹಾಗೂ ಕೊರಿಯೋಗ್ರಾಫರ್ ಪ್ರಭುದೇವ ಎರಡನೇ ಮದುವೆ ಸುದ್ದಿಯ ಬಗ್ಗೆ ಅವರ ಸಹೋದರ ರಾಜು ಸುಂದರಂ ಸ್ಪಷ್ಟನೆ ನೀಡಿದ್ದಾರೆ.

ಪ್ರಭುದೇವ ಮದುವೆ ವಿಚಾರವನ್ನು ಅವರ ಸಹೋದರ ರಾಜು ಸುಂದರಂ ಖಚಿತಪಡಿಸಿದ್ದಾರೆ. ಹುಡುಗಿ ಹೆಸರು ಡಾ. ಹಿಮಾನಿ . ನೃತ್ಯ ಮಾಡುವಾಗ ಪ್ರಭುದೇವಗೆ ಆಗಾಗ ಬೆನ್ನು ನೋವು ಹಾಗೂ ಕಾಲು ನೋವು ಕಾಣಿಸಿಕೊಳ್ಳುತ್ತಿದ್ದು ಡಾ.ಹಿಮಾನಿ ಚಿಕಿತ್ಸೆ ನೀಡುತ್ತಿದ್ದರು. ಈ ಸಮಯದಲ್ಲಿ ಅವರಿಬ್ಬರ ನಡುವೆ ಪ್ರೇಮ ಹುಟ್ಟಿತ್ತು.

ಈಗಾಗಲೇ ಎರಡು ತಿಂಗಳಿಂದ ಪ್ರಭುದೇವ ಹಾಗೂ ಹಿಮಾನಿ ಲಿವ್‌ ಇನ್‌ ರಿಲೇಷನ್‌ಶಿಪ್‌ನಲ್ಲಿದ್ದರು. ಸಹೋದರ ನೀಡಿರುವ ಮಾಹಿತಿ ಪ್ರಕಾರ ಮದುವೆ ಪ್ರಭುದೇವ ಮನೆಯಲ್ಲಿಯೇ ಆಗಿದ್ದು ಆಪ್ತರು ಮಾತ್ರ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿದ್ದಾರೆ.

ಮೈಸೂರಿನ ನಿವಾಸದಲ್ಲಿ ಎರಡು ಬಾರಿ ಹಿಮಾನಿ ಪ್ರಭುದೇವ ಅವರ ಪೋಷಕರನ್ನು ಭೇಟಿ ಮಾಡಿದ್ದಾರೆ. ಹಿಮಾನಿ ಪೋಷಕರನ್ನು ಭೇಟಿ ಮಾಡಲು ಪ್ರಭುದೇವ ಆಗಸ್ಟ್‌ನಲ್ಲಿ ಮುಂಬೈಗೆ ತೆರಳಿದರು ಎನ್ನಲಾಗಿದೆ.