69 ವಸಂತಕ್ಕೆ ಕಾಲಿಟ್ಟ ತಲೈವಾ: ರಜನಿ ಪುತ್ರಿಯರಿಂದ ಹೃದಯ ಸ್ಪರ್ಶಿ ಶುಭಾಶಯ!

ನವ ದೆಹಲಿ:  ಸೂಪರ್ ಸ್ಟಾರ್ ರಜನಿಕಾಂತ್ ಗೆ  69ನೇ ಹುಟ್ಟುಹಬ್ಬದ ಸಂಭ್ರಮ. ತಲೈವಾಗೆ ಎಲ್ಲೆಡೆಯಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದ್ದು, ಅವರ ಅಭಿಮಾನಿಗಳು ವಿವಿಧ ರೀತಿಯಲ್ಲಿ ಹುಟ್ಟುಹಬ್ಬವನ್ನು ಆಚರಿಸುತ್ತಿದ್ದಾರೆ.

ಈ ನಡುವೆ ರಜನಿಕಾಂತ್ ಪುತ್ರಿಯರಾದ ಐಶ್ವರ್ಯಾ ಹಾಗೂ ಸೌಂದರ್ಯ  ತಮ್ಮ ಇನ್ಸಾಟಾಗ್ರಾಮ್ ನಲ್ಲಿ ಹೃದಯ ಸ್ಪರ್ಶಿ ಶುಭಾಶಯ ಕೋರಿದ್ದಾರೆ.

ರಜನಿಕಾಂತ್ ಅವರ ದೊಡ್ಡ ಮಗಳು ಐಶ್ವರ್ಯಾ,   ತಮ್ಮ ತಂದೆಯ  ವಿಶೇಷ ಪೋಟೋವೊಂದನ್ನು ಹಂಚಿಕೊಳ್ಳುವ ಮೂಲಕ 'ಎಂದೆಂದಿಂಗೂ ತಮ್ಮನ್ನು ಅನುಸರಿಸುವುದಾಗಿ' ತಿಳಿಸಿದ್ದಾರೆ.

ಚಿಕ್ಕ ಮಗಳು ಸೌಂದರ್ಯ, ತಮ್ಮ ತಂದೆಯ ಜೊತೆಗಿನ ಪೋಟೋವೊಂದನ್ನು ಹಂಚಿಕೊಳ್ಳುವ ಮೂಲಕ ತಮ್ಮ ತಂದೆಗೆ ಹುಟ್ಟಹುಬ್ಬದ ಶುಭಾಶಯ ಕೋರಿದ್ದಾರೆ.

ಕಳೆದ ವರ್ಷ ರಾಜಕೀಯಕ್ಕೆ ಎಂಟ್ರಿ ನೀಡಿದ ರಜನಿಕಾಂತ್ , 2021ರ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಹೊಸ ಪಕ್ಷ ಸ್ಥಾಪಿಸುವ ಸಾಧ್ಯತೆ ಇದೆ. ಪೆಟ್ಟಾದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದ ರಜನಿ ಅವರ ಮುಂದಿನ ಚಿತ್ರ ದರ್ಬಾರ್ ಜನವರಿ 15, 2020ಕ್ಕೆ  ತಮಿಳು, ತೆಲುಗು ಹಾಗೂ ಹಿಂದಿ ಭಾಷೆಗಳಲ್ಲಿ ತೆರೆ ಮೇಲೆ ಅಪ್ಪಳಿಸಲಿದೆ.