ಎರಡನೇ ಸಿನೆಮಾಗೆ ಸಜ್ಜಾದ ಗೌಸ್ ಪೀರ್; ಅಕ್ಷರ ನಾಯಕನಟಿ
ಆಕ್ಷನ್-ಹಾಸ್ಯ ಚಿತ್ರ 'ಶಾರ್ಪ್ ಶೂಟರ್' ಸಿನೆಮಾದ ಮೂಲಕ ನಿರ್ದೇಶನಕ್ಕೆ ಪಾದಾರ್ಪಣೆ ಮಾಡಿದ್ದ ಗೀತರಚನಾಕಾರ ಗೌಸ್ ಪೀರ್ ತಮ್ಮ ಎರಡನೇ ಯೋಜನೆಯನ್ನು ಅಂತಿಮಗೊಳಿಸಲು ಒಂದೂವರೆ ವರ್ಷ
Published On :
ಬೆಂಗಳೂರು: ಆಕ್ಷನ್-ಹಾಸ್ಯ ಚಿತ್ರ 'ಶಾರ್ಪ್ ಶೂಟರ್' ಸಿನೆಮಾದ ಮೂಲಕ ನಿರ್ದೇಶನಕ್ಕೆ ಪಾದಾರ್ಪಣೆ ಮಾಡಿದ್ದ ಗೀತರಚನಾಕಾರ ಗೌಸ್ ಪೀರ್ ತಮ್ಮ ಎರಡನೇ ಯೋಜನೆಯನ್ನು ಅಂತಿಮಗೊಳಿಸಲು ಒಂದೂವರೆ ವರ್ಷ ತೆಗೆದುಕೊಂಡಿದ್ದಾರೆ. ಈಗ ಅದಕ್ಕೆ ಸಿದ್ಧವಾಗಿದ್ದು, ಇದು ಥ್ರಿಲ್ಲರ್ ಸಿನೆಮಾ ಎನ್ನುತ್ತಾರೆ.
ಮುರಳಿ ಕುಮಾರ್ ಈ ಸಿನೆಮಾದ ನಿರ್ಮಾಪಕನಾಗಿದ್ದು, ಚಾರ್ಮಿಯೋನ್ ಮೋಶನ್ ಪಿಕ್ಚರ್ಸ್ ಬ್ಯಾನರ್ ಅಡಿ ಈ ಸಿನೆಮಾ ನಿರ್ಮಾಣಗೊಳ್ಳಲಿದೆ. "ಸ್ಕ್ರಿಪ್ಟ್ ಅಂತಿಮಗೊಂಡಿದೆ ಮತ್ತು ಆಷಾಢ ಕಳೆದ ಮೇಲೆ ಕೆಲಸ ಪ್ರಾರಂಭಿಸುತ್ತೇವೆ. ಇದು ಆಗಸ್ಟ್ ಮೊದಲ ವಾರದಲ್ಲಿ ಶುರುವಾಗಲಿದೆ" ಎನ್ನುತ್ತಾರೆ ನಿರ್ದೇಶಕ.
ಸಿನೆಮಾದ ಹೀರೊ ಹೆಸರನ್ನು ಮುಂದಿನ ವಾರ ಅಧಿಕೃತವಾಗಿ ನಿರ್ದೇಶಕ ಘೋಷಿಸಲಿದ್ದು, ನಾಯಕನಟಿಯಾಗಿ ಅಕ್ಷರ ಗೌಡ ಆಯ್ಕೆಯಾಗಿರುವುದಾಗಿ ತಿಳಿಸುತ್ತಾರೆ ಪೀರ್. "ಅವರ ದಿನಾಂಕ ಧೃಢೀಕರಣಗೊಳ್ಳುವವರೆಗೂ ಯಾರು ಹೀರೊ ಎಂದು ತಿಳಿಸುವುದಿಲ್ಲ" ಎನ್ನುವ ಪೀರ್ "ಸ್ಕ್ರಿಪ್ಟ್ ಓದಿ ಒಂದಿಬ್ಬರು ಹೀರೋಗಳೊಂದಿಗೆ ಮಾತುಕತೆ ನಡೆಸಿದ್ದೇನೆ. ಈಮಧ್ಯೆ ಅಕ್ಷರ ಅವರ ಆಡಿಷನ್ ನಡೆಸಿದ ನಂತರ ನಾಯಕನಟಿ ಪಾತ್ರಕ್ಕೆ ಅವರು ಸೂಕ್ತ ಎಂದೆನಿಸಿತು" ಎನ್ನುತ್ತಾರೆ.
ಕಾಲಿವುಡ್ ನಲ್ಲಿಯೂ ನಟಿಸಿರುವ ಅಕ್ಷರ ಹರಿಪ್ರಸಾದ್ ಜಯಣ್ಣ ಅವರ 'ಪ್ರೇಮದಲ್ಲಿ' ಸಿನೆಮಾದ ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದವರು. ಈಗ ಈ ಸಿನೆಮಾ ಸೆನ್ಸಾರ್ ಪ್ರಮಾಣಪತ್ರಕ್ಕೆ ಕಾಯುತ್ತಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.