ತಮಿಳು ಸಿನೆಮಾ 'ವಿಸಾರಣೈ' ಆಸ್ಕರ್ ಸ್ಪರ್ಧೆಗೆ ಭಾರತದ ಅಧಿಕೃತ ಆಯ್ಕೆ
ರಾಷ್ಟ್ರಪ್ರಶಸ್ತಿ ವಿಜೇತ, ವೆಟ್ರಿಮಾರನ್ ಅವರನಿರ್ದೇಶನದ ತಮಿಳು ಸಿನೆಮಾ 'ವಿಸಾರಣೈ', ಆಸ್ಕರ್ 2017 ವಿದೇಶಿ ಸಿನೆಮಾಗಳ ಪ್ರಕಾರಕ್ಕೆ ಭಾರತದ ಅಧಿಕೃತ ಆಯ್ಕೆಯಾಗಿ ಹೊರಹೊಮ್ಮಿದೆ.
Published On :
ಹೈದರಾಬಾದ್: ರಾಷ್ಟ್ರಪ್ರಶಸ್ತಿ ವಿಜೇತ, ವೆಟ್ರಿಮಾರನ್ ಅವರನಿರ್ದೇಶನದ ತಮಿಳು ಸಿನೆಮಾ 'ವಿಸಾರಣೈ', ಆಸ್ಕರ್ 2017 ವಿದೇಶಿ ಸಿನೆಮಾಗಳ ಪ್ರಕಾರಕ್ಕೆ ಭಾರತದ ಅಧಿಕೃತ ಆಯ್ಕೆಯಾಗಿ ಹೊರಹೊಮ್ಮಿದೆ. ಇದನ್ನು ಗುರುವಾರ ಘೋಷಿಸಲಾಗಿದೆ.
"ಸ್ಪರ್ಧೆಯಲ್ಲಿದ್ದ 29 ಸಿನೆಮಾಗಳ ಪೈಕಿ, 'ವಿಸಾರಣೈ' ಸಿನೆಮಾವನ್ನು ಒಮ್ಮತವಾಗಿ ಆಯ್ಕೆ ಮಾಡಲಾಯಿತು" ಎಂದು ನಿರ್ದೇಶಕ ಕೇತನ್ ಮೆಹ್ತಾ ಹೇಳಿದ್ದಾರೆ.
"ನಾವು ಮೋಡದ ಮೇಲೆ ತೇಲುತ್ತಿದ್ದೇವೆ!! ಆಸ್ಕರ್ಸ್ ಗೆ 'ವಿಸಾರಣೈ' ಭಾರತವನ್ನು ಪ್ರತಿನಿಧಿಸಲಿದೆ" ಎಂದು ವೆಟ್ರಿಮಾರನ್ ಅವರ ಗ್ರಾಸ್ ರೂಟ್ ಫಿಲಂ ಕಂಪನಿ ಬ್ಯಾನರ್ ಟ್ವೀಟ್ ಮಾಡಿದ್ದೆ.
'ವಿಸಾರಣೈ' ನಲ್ಲಿ ದಿನೇಶ್, ಸಮುದ್ರಕಿನಿ, ಅಜಯ್ ಘೋಷ್ ಮತ್ತು ಕಿಶೋರ್ ನಟಿಸಿದ್ದಾರೆ. ಪೋಲೀಸರ ದೌರ್ಜನ್ಯದ ಕುರಿತು ಆಟೋ ರಿಕ್ಷಾ ಚಾಲಕ ಎಂ ಚಂದ್ರಶೇಖರ್ ಬರೆದಿದ್ದ ನೈಜ ಕಥಾನಕ 'ಲಾಕ್ ಅಪ್' ಎಂಬ ಕಾದಂಬರಿ ಆಧಾರಿತ ಚಿತ್ರ ಇದು.
ವಿಮರ್ಶಕರ ಹಾಗು ಜನ ಮೆಚ್ಚುಗೆ ಪಡೆದಿದ್ದ ಈ ಸಿನೆಮಾ ವೆನಿಸ್ ಅಂತಾರಾಷ್ಟ್ರೀಯ ಸಿನಿಮೋತ್ಸವದಲ್ಲಿ ಪ್ರದರ್ಶನಗೊಂಡಿತ್ತು. ಧನುಷ್ ಈ ಸಿನೆಮಾದ ನಿರ್ಮಾಪಕ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.