'ನಿನ್ನನ್ನು ಹೊಡೆದು ಸಾಯಿಸಬೇಕು': ನಿರ್ದೇಶಕರ ಕಚೇರಿಯಿಂದ ಉರ್ಫಿ ಜಾವೇದ್‌ಗೆ ಬೆದರಿಕೆ; ಎಫ್‌ಐಆರ್ ದಾಖಲು!

ಮುಂಬೈ: ತನ್ನ ವಿಭಿನ್ನ ಬಟ್ಟೆ ಮೂಲಕ ಆಗಾಗ್ಗೆ ಸುದ್ದಿಯಲ್ಲಿರುವ ಉರ್ಫಿ ಜಾವೇದ್‌ಗೆ ಮತ್ತೊಮ್ಮೆ ಬೆದರಿಕೆ ಬಂದಿದೆ. ನಿರ್ದೇಶಕ ನೀರಜ್ ಪಾಂಡೆ ಅವರ ಕಚೇರಿಯಿಂದ ಯಾರೋ ನಟಿಗೆ ಬೆದರಿಕೆ ಹಾಕಿದ್ದಾರೆ. ಈ ಹಿನ್ನಲೆಯಲ್ಲಿ ನಟಿ ಪೊಲೀಸ್ ಠಾಣೆಗೆ ದೂರು ನೀಡಿದ್ದು ಎಫ್‌ಐಆರ್ ಕೂಡ ದಾಖಲಿಸಿದ್ದಾರೆ. 

ನಟಿ ಸಾಕಷ್ಟು ವೀಡಿಯೊಗಳು ಮತ್ತು ಫೋಟೋಗಳನ್ನು Instagram ನಲ್ಲಿ ಪೋಸ್ಟ್ ಮಾಡುತ್ತಿರುತ್ತಾರೆ. ಇನ್ನು ಉರ್ಫಿ ಜಾವೇದ್ ಅಸ್ವಸ್ಥ ಸ್ಥಿತಿಯಲ್ಲಿ ಪೊಲೀಸ್ ಠಾಣೆಗೆ ಹೋಗಿ ಎಫ್‌ಐಆರ್ ದಾಖಲಿಸಿದ್ದಾರೆ. ಬಟ್ಟೆಯ ಆಯ್ಕೆಗೆ ಯಾರೋ ಕೊಲೆ ಬೆದರಿಕೆ ಹಾಕುತ್ತಿದ್ದಾರೆ ಮತ್ತು ಹಲ್ಲೆ ನಡೆಸುವುದಾಗಿ ಆರೋಪಿಸಿದ್ದಾರೆ. ಅಷ್ಟೇ ಅಲ್ಲ, ನಟಿಯ ಕಾರಿನ ನಂಬರ್ ಪ್ಲೇಟ್ ತನ್ನ ಬಳಿ ಇದೆ ಎಂದು ಆರೋಪಿಸಿ ಆ ಮೂಲಕವೂ ಬ್ಲಾಕ್ ಮೇಲ್ ಮಾಡುತ್ತಿದ್ದಾರೆ ಎಂದು ದೂರಿದ್ದಾರೆ.

ಮೊದಲಿಗೆ ನೀರಜ್ ಪಾಂಡೆ ಅವರ ಕಚೇರಿಯಿಂದ ಯಾರೋ ನನಗೆ ಕರೆ ಮಾಡಿ ನಾನು ನಿರ್ದೇಶಕನ ಸಹಾಯಕ ಮಾತನಾಡುತ್ತಿರುವುದು ಎಂದು ಹೇಳಿದರು. ಅಲ್ಲದೆ ನೀರಜ್ ಪಾಂಡೆ ನನ್ನನ್ನು ಭೇಟಿಯಾಗಲು ಬಯಸುತ್ತಿದ್ದಾರೆ ಎಂದು ಹೇಳಿದರು. ಹಾಗಾಗಿ ಭೇಟಿಯಾಗುವ ಮೊದಲು ಯೋಜನೆಯ ಎಲ್ಲಾ ವಿವರಗಳನ್ನು ನನಗೆ ಕಳುಹಿಸಬೇಕೆಂದು ನಾನು ಅವರಿಗೆ ಹೇಳಿದೆ. ಆಗ ಅವರು ನಾನು ನೀರಜ್ ಪಾಂಡೆಗೆ ಅಗೌರವ ತೋರಿದ್ದೀರಿ ಎಂದು ನನ್ನ ಮೇಲೆ ಕೋಪಗೊಂಡರು ಎಂದರು. 

ಇದನ್ನೂ ಓದಿ: ಬಟ್ಟೆ ಕೂಡ ನಾಚಿಕೆಪಡುತ್ತೆ: ಅಭಿಮಾನಿಗಳನ್ನು ದಂಗಾಗಿಸಿದ ಉರ್ಫಿ ಜಾವೇದ್ ಅರೆ ನಗ್ನ ಉಡುಪು

ನನ್ನ ಕಾರಿನ ಸಂಖ್ಯೆ ಮತ್ತು ಇತರ ವಿಷಯಗಳು ಅವನಿಗೆ ತಿಳಿದಿವೆ. ಇನ್ನು ನಾನು ಧರಿಸುವ ರೀತಿಯ ಬಟ್ಟೆಯಿಂದಾಗಿ ನನ್ನನ್ನು ಹೊಡೆದು ಸಾಯಿಸಬೇಕು ಎಂದು ಅವರು ಹೇಳಿದರು ಎಂದು ನಟಿ ದೂರಿದ್ದಾರೆ.