ನಿರ್ಮಾಪಕಿಯಾದ ಸ್ವರಾ ಭಾಸ್ಕರ್

ಬೆಂಗಳೂರು: ಸ್ವರಾ ಭಾಸ್ಕರ್, "ನಿಲ್ ಬಟ್ಟೆ ಸನ್ನಾಟ", "ಅನಾರ್ಕಲಿ ಆಓ ಅರಾ" ಚಿತ್ರಗಳಿಂಡ ಮನೆಮಾತಾದವರು. ಈಗ ಅವರು ಒಂದು ಹೆಜ್ಜೆ ಮುಂದೆ ಹೋಗಿ ನಟನೆ ಜತೆಗೆ ನಿರ್ಮಾಣ ಕ್ಷೇತ್ರದಲ್ಲಿ ಸಹ ತೊಡಗಿಸಿಕೊಳ್ಳುತ್ತಿದ್ದಾರೆ. ತಮ್ಮ ಸೋದರ ಇಶಾನ್ ಭಾಸ್ಕರ್ ಅವರೊಡನೆ ಸೇರಿ ಕಹಾನಿವಾಲೆ ಎಂಬ ನಿರ್ಮಾಣ ಸಂಸ್ಥೆಯೊಂದನ್ನು ಹುಟ್ಟು ಹಾಕಿದ್ದಾರೆ.

"ಕಹಾನಿವಾಲೆಯ ಕಲ್ಪನೆ ಇದೇ ಒಂದೂವರೆ ವರ್ಷದಷ್ಟು ಹಳೆಯದು.ಒಳ್ಳೆಯ ಕಥೆ ಇದ್ದರೂ ಸರಿಯಾದ ವ್ವೇದಿಕೆ ಸಿಕ್ಕದ ನಿರ್ದೇಶಕರು, ಚಿತ್ರಕಥೆಗಾರರಿಗೆ ನಮ್ಮ ಕಹಾನಿವಾಲೆ ನಲ್ಲಿ ಅವಕಾಶ ಕಲ್ಪಿಸಲಾಗುತ್ತದೆ" ಸ್ವರಾ ಭಾಸ್ಕರ್ ಹೇಳಿದ್ದಾರೆ.

"ಅಮೃತಾ ಶೇರ್ ಗಿಲ್ ಅವರ ಪುರಾತನ ಚಿತ್ರಕಲೆ ಶೈಲಿ, ಕಥೆ ಹೇಳುವ ಪರಿ ದೆಹಲಿಯ ಮನೆಯಲ್ಲಿ ನನಗೆ, ಸ್ವರಾ ಅವರಿಗೆ ಸ್ಪೂರ್ತಿಯಾಗಿತ್ತು.ಚಿತ್ರಕಲೆಯ ಪ್ರಮುಖ ಕಲ್ಪನೆಯೇ ಕಥೆ ಹೇಳುವುದು.ಇದು ಬಲವಾದ , ತಾಜಾ ಸಂದೇಶವನ್ನು ರವಾನಿಸಲು ಉತ್ತಮ ಮಾರ್ಗ.ಸ್ವಾರಾ ಹಾಗೂ ನಾನು ಇಬ್ಬರೂ ಉತ್ತಮ ಕಥೆಗಳನ್ನು ನೀಡಬೇಕೆಂದು ಅಂದುಕೊಂಡಿದ್ದೆವು. ಹೀಗಾಗಿ ಕಹಾನಿವಾಲೆ ಪ್ರಸ್ತಾಪ ಬಂದಾಗ ನಾವು ಉತ್ಸುಕರಾಗಿ ನಿರ್ಮಾಣ ಸಂಸ್ಥೆ ಸ್ಥಾಪನೆಗೆ ಮುಂಡಾದೆವು" ಸ್ವರಾ ಅವರ ಸೋದರ ಇಶಾನ್ ಭಾಸ್ಕರ್ ಹೇಳಿದ್ದಾರೆ.