ಪೋಸ್ಟರ್ ನಲ್ಲಿ ಧೂಮಪಾನದ ಚಿತ್ರ: ಬಹುಭಾಷಾ ನಟಿ ಹನ್ಸಿಕಾ ವಿರುದ್ಧ ದೂರು ದಾಖಲು
ಬಹುಬಾಷಾ ನಟಿ ಹನ್ಸಿಕಾ ತನ್ನ ಐವತ್ತನೇ ಚಿತ್ರ "ಮಹಾ" ಬಿಡುಗಡೆಯ ನಿರೀಕ್ಷೆಯಲ್ಲಿದ್ದಾರೆ. ಆದರೆ ಇದೇ ಚಿತ್ರದ ಕಾರಣ ಅವರೀಗ ಸಂಕಷ್ಟಕ್ಕೆ ಸಿಲುಕುವಂತಾಗಿದೆ. :ಮಹಾ" ಚಿತ್ರದ ಪೋಸ್ಟರ್ ನಲ್ಲಿ....
Published On :
ಚೆನ್ನೈ: ಬಹುಬಾಷಾ ನಟಿ ಹನ್ಸಿಕಾ ತನ್ನ ಐವತ್ತನೇ ಚಿತ್ರ "ಮಹಾ" ಬಿಡುಗಡೆಯ ನಿರೀಕ್ಷೆಯಲ್ಲಿದ್ದಾರೆ. ಆದರೆ ಇದೇ ಚಿತ್ರದ ಕಾರಣ ಅವರೀಗ ಸಂಕಷ್ಟಕ್ಕೆ ಸಿಲುಕುವಂತಾಗಿದೆ. :ಮಹಾ" ಚಿತ್ರದ ಪೋಸ್ಟರ್ ನಲ್ಲಿ ನಟಿ ಧೂಮಪಾನ ಮಾಡುತ್ತಿರುವ ಚಿತ್ರವಿದ್ದು ಈ ಕಾರಣ ನಟಿಯ ವಿರುದ್ಧ ದುರು ದಾಖಲಾಗಿದೆ.
ಕಳೆದ ವಾರವಷ್ಟೇ ಯುಆರ್ ಜಮೀಲ್ ನಿರ್ದೇಶನದ ಈ ಚಿತ್ರದ ಪೋಸ್ತರ್ ಬಿಡುಗಡೆಯಾಗಿದ್ದು ಪೋಸ್ಟರ್ ನಲ್ಲಿ ಹನ್ಸಿಕಾ ಸಾಧುಗಳ ನಡುವೆ ಸಿಂಹಾಸನದ ಮೇಲೆ ಕುಳಿತು ಭಂಗಿ ಸೇದುತ್ತಿರುವ ಚಿತ್ರವಿದೆ. ಇದಕ್ಕಾಗಿ ಇದೀಗ ನಿರ್ದೇಶಕ ಜಮೀಲ್ ಹಾಗೂ ನಟಿಯ ವಿರುದ್ಧ ದೂರು ದಾಖಲಾಗಿದೆ.
ಪುಟ್ಟಳ್ಳಿ ಮಕ್ಕಳ ಕಚ್ಚಿ (ಪಿಎಂಕೆ) ಸಂಘಟನೆಯ ಜಾನಕಿರಾಮನ್ ಈ ಸಂಬಂಧ ನ್ಯಾಯಾಲಯದಲ್ಲಿ ದಾವೆ ಹುಡಿದ್ದು ಪೋಸ್ಟರ್ ಜನರ ಧಾರ್ಮಿಕ ಭಾವನೆ ಕೆರಳಿಸುತ್ತದೆ. ಹಾಗಾಗಿ ಹನ್ಸಿಕ ಆಹಾಗೂ ಜಮೀಲ್ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.
ಈ ಕುರಿತಂತೆ ಹನ್ಸಿಕಾ ಅಥವಾ ಜಮೀಲ್ ಇದುವರೆಗೆ ಯಾವ ಪ್ರತಿಕ್ರಿಯೆ ನೀಡಿಲ್ಲ.
ಹನ್ಸಿಕಆ ಹಾಗೂ ಪ್ರಭುದೇವಾ ಅವರ ನಟನೆಯ "ಗಲೇಬಾಗಾವಲಿ" ಈ ವರ್ಷ ರ್ತೆರೆಕಂಡಿದ್ದು ಸಾಧಾರಣ ಯಶಸ್ಸು ಗಳಿಸಿತ್ತು. ಸದ್ಯ ಹನ್ಸಿಕಾ ಮೂರು ಚಿತ್ರಗಳಲ್ಲಿ ನಟಿಸುತ್ತಿದ್ದು "ಮಹಾ" ತನ್ನ ಐವತ್ತನೆಯ ಚಿತ್ರವೆಂದು ಆಕೆ ಇತ್ತೀಚೆಗೆ ಹೇಳಿಕೊಂಡಿದ್ದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.