ಎಲ್ಲರಿಗೂ ಧನ್ಯವಾದ ಹೇಳಿದ `ಕೃಷ್ಣ ಸುಂದರಿ' ಬಿಪಾಶಾ

ಮುಂಬೈ: ಮೂರು ದಿನಗಳ ಹಿಂದಷ್ಟೇ ನಟ ಕರಣ್ ಸಿಂಗ್ ಗ್ರೋವರ್ ನನ್ನು ಮದುವೆಯಾಗಿರುವ ಬಾಲಿವುಡ್ ಕೃಷ್ಣ ಸುಂದರಿ ಬಿಪಾಶಾ ಬಸು, ತಮ್ಮ ವೈವಾಹಿಕ ಜೀವನಕ್ಕೆ ಶುಭ ಹಾರೈಸಿದವರಿಗೆಲ್ಲ ಧನ್ಯವಾದ ಹೇಳಿದ್ದಾಳೆ.

ಇನ್ಸ್ಟಾಗ್ರಾಮ್ ನಲ್ಲಿ ತಮ್ಮ ಫೋಟೋವನ್ನು ಶೇರ್ ಮಾಡಿ, ಮಾಧ್ಯಮ ಸ್ನೇಹಿತರಿಗೆ, ಅಭಿಮಾನಿಗಳಿಗೆ, ಚಿತ್ರರಂಗದವರಿಗೆ, ನನ್ನ ಶ್ರೇಯಸ್ಸನ್ನು ಬಯಸುವವರಿಗೆ ನನ್ನ ಧನ್ಯವಾದಗಳು. ಮಿಸ್ ನಿಂದ ಮಿಸ್ಸಸ್ಸ್ ಪಟ್ಟ ಗಳಿಸಿರುವ ನನ್ನ ಜೀವನ ಪ್ರಯಾಣದಲ್ಲಿ ಪ್ರೀತಿ, ಹಾರೈಕೆ ತೋರಿಸುತ್ತಿರುವ ಎಲ್ಲರಿಗೂ ಕೃತಜ್ಞತೆಗಳು ಎಂದು ಬರೆದಿದ್ದಾರೆ.

ಬಿಪಾಶಾ ಮತ್ತು ಕರಣ್ ಅವರ ಮದುವೆ ಆರತಕ್ಷತೆ ಕಾರ್ಯಕ್ರಮ ಕೂಡ ಏಪ್ರಿಲ್ 30ರಂದು ಸಾಯಂಕಾಲ ದಕ್ಷಿಣ ಮುಂಬೈಯ ಹೊಟೇಲೊಂದರಲ್ಲಿ ನೆರವೇರಿತ್ತು. ಬಾಲಿವುಡ್ ನ ಹಲವು ತಾರೆಯರು ಭಾಗವಹಿಸಿದ್ದರು.