ಕಿಸ್‌ಗೆ ಬೆಲೆಯೇ ಇಲ್ಲ: ಇಮ್ರಾನ್ ಹಶ್ಮಿ

ಕಿಸ್‌ಗೆ ಈವಾಗ ಬೆಲೆಯೇ ಇಲ್ಲ. ಈ ಹಿಂದೆ ಸಿನಿಮಾಗಳಲ್ಲಿ ಚುಂಬನ ದೃಶ್ಯಗಳನ್ನು ನೋಡಿದಾಗ ಪ್ರೇಕ್ಷಕರಿಗೆ ಮೈ ರೋಮಾಂಚನವಾಗುತ್ತಿತ್ತು. ಆಗ ಸಿನಿಮಾರಂಗವೇ ಚುಂಬನ ದೃಶ್ಯಗಳಿಗೆ ವಿರುದ್ಧವಾಗಿತ್ತು. ಆದರೆ ಈಗ ಎಲ್ಲರೂ ಅಂಥಾ ದೃಶ್ಯ ಇರಲಿ ಎಂದು ಬಯಸುತ್ತಿದ್ದಾರೆ. ಹೀಗಂತ ಹೇಳಿದ್ದು ಬೇರೆ ಯಾರೂ ಅಲ್ಲ..ಬಾಲಿವುಡ್ ನಟ, ಸೀರಿಯಲ್ ಕಿಸ್ಸರ್ ಇಮ್ರಾನ್ ಹಶ್ಮಿ.

ಈವಾಗ ಬಿಡುಗಡೆಯಾಗುವ ಹಲವು ಚಿತ್ರಗಳ ಕಥೆಗಳಲ್ಲಿ ಕಥಾಪಾತ್ರಗಳಿಗೆ ನೀಡುವುದಕ್ಕಿಂತ ಹೆಚ್ಚು ಮಹತ್ವವನ್ನು ಕಿಸ್ಸಿಂಗ್ ದೃಶ್ಯಗಳಿಗೆ ನೀಡಲಾಗುತ್ತಿದೆ. ಇದು ಸರಿಯಾದ ರೀತಿಯಲ್ಲ. ಸಿನಿಮಾ ಪ್ರೊಮೋಷನ್‌ಗೆ ಕೂಡಾ ಈ ರೀತಿಯ ಪ್ರವೃತ್ತಿಗಳನ್ನು ಬಳಸಲಾಗುತ್ತದೆ.

ಏನಿದ್ದರೂ ನನಗೀಗ ಖುಷಿಯಾಗುತ್ತಿದೆ. ಈ ಹಿಂದೆ ನನ್ನನ್ನು ಎಲ್ಲರೂ ತಪ್ಪಿತಸ್ಥನಂತೆ ನೋಡಿದ್ದರು. ಆದರೆ ಈಗ ಮುಂಚೂಣಿಯಲ್ಲಿರುವ ನಾಯಕ ನಟರು ಕೂಡಾ ಇಂಥಾ ದೃಶ್ಯಗಳಲ್ಲಿ ಕಾಣಿಸಿಕೊಳ್ಳುತ್ತಾರೆ ಎಂದು ಇಮ್ರಾನ್ ಹಶ್ಮಿ ಹೇಳಿದ್ದಾರೆ.