GST ಕಡಿತ, ಹಬ್ಬದ ಸೀಸನ್: ಮಾರುತಿ ಸುಜುಕಿ ಕಾರುಗಳ ಬುಕ್ಕಿಂಗ್ ಗಗನಕ್ಕೆ; ಎಂದಿಗಿಂತ ಶೇ.50 ರಷ್ಟು ಹೆಚ್ಚಳ!

ನವದೆಹಲಿ: ಜಿಎಸ್ ಟಿ ಕಡಿತದ ಬೆನ್ನಲ್ಲೇ ನವರಾತ್ರಿಯ ಮೊದಲ ದಿನದಂದು ಕಾರು ಶೋ ರೂಂಗಳಲ್ಲಿ ಗ್ರಾಹಕರು ನೆರೆದಿದ್ದು ಹಬ್ಬದ ಋತುವು ಆಟೋಮೊಬೈಲ್ ಉದ್ಯಮಕ್ಕೆ ಉತ್ತಮ ಆರಂಭವನ್ನು ನೀಡಿದೆ.

ಕಾರುಗಳ ಬೆಲೆಗಳನ್ನು ಕಡಿಮೆ ಮಾಡಿದ ಹೊಸ GST 2.0 ಸುಧಾರಣೆಗಳ ಜಾರಿಯು ಹಬ್ಬದ ಖರೀದಿ ಭಾವನೆಗೆ ಮತ್ತಷ್ಟು ಉತ್ತೇಜನ ನೀಡಿದೆ.

ಹಬ್ಬದ ಮತ್ತು ಕಡಿಮೆ ಬೆಲೆಗಳ ಪರಿಣಾಮ ಮಾರುತಿ ಸುಜುಕಿ ಕಾರುಗಳ ಬುಕಿಂಗ್ ನಲ್ಲಿ ಭರ್ಜರಿ ಏರಿಕೆ ಕಂಡಿದೆ. "ಗ್ರಾಹಕರಿಂದ ಬಂದ ಪ್ರತಿಕ್ರಿಯೆ ಅದ್ಭುತವಾಗಿದೆ - ಕಳೆದ 35 ವರ್ಷಗಳಲ್ಲಿ ನಾವು ಈ ರೀತಿಯ ಪ್ರತಿಕ್ರಿಯೆ ಕಂಡಿಲ್ಲ. ಮೊದಲ ದಿನವೇ ನಾವು 80,000 ವಿಚಾರಣೆಗಳನ್ನು ದಾಖಲಿಸಿದ್ದೇವೆ ಮತ್ತು ಈಗಾಗಲೇ 25,000 ಕ್ಕೂ ಹೆಚ್ಚು ಕಾರುಗಳನ್ನು ತಲುಪಿಸಿದ್ದೇವೆ, ಶೀಘ್ರದಲ್ಲೇ ವಿತರಣೆಗಳು 30,000 ತಲುಪುವ ನಿರೀಕ್ಷೆಯಿದೆ. ಸೆಪ್ಟೆಂಬರ್ 18 ರಂದು, ನಾವು ಹೆಚ್ಚುವರಿ ಬೆಲೆ ಕಡಿತವನ್ನು (ಜಿಎಸ್‌ಟಿಗಿಂತ ಹೆಚ್ಚು) ಘೋಷಿಸಿದಾಗಿನಿಂದ, ನಾವು 75,000 ಬುಕಿಂಗ್‌ಗಳನ್ನು ಸ್ವೀಕರಿಸಿದ್ದೇವೆ, ಪ್ರತಿದಿನ ಸುಮಾರು 15,000 ಬುಕಿಂಗ್‌ಗಳು ಬರುತ್ತಿವೆ - ಇದು ಸಾಮಾನ್ಯಕ್ಕಿಂತ ಸುಮಾರು 50% ಹೆಚ್ಚಾಗಿದೆ. ಸಣ್ಣ ಕಾರುಗಳಿಗೆ ಬೇಡಿಕೆ ವಿಶೇಷವಾಗಿ ಪ್ರಬಲವಾಗಿದೆ, ಬುಕಿಂಗ್‌ಗಳು ಸುಮಾರು 50% ರಷ್ಟು ಹೆಚ್ಚಾಗಿದೆ" ಎಂದು ಮಾರುತಿ ಸುಜುಕಿಯ ಮಾರ್ಕೆಟಿಂಗ್ ಮತ್ತು ಮಾರಾಟದ ಹಿರಿಯ ಕಾರ್ಯನಿರ್ವಾಹಕ ಅಧಿಕಾರಿ ಪಾರ್ಥೋ ಬ್ಯಾನರ್ಜಿ ಹೇಳಿದ್ದಾರೆ.