ಆಟೋ ಎಕ್ಸ್‏ಪೋದಲ್ಲಿ ಹೋಂಡಾದ 11 ಹೊಸ ಮಾಡಲ್ ಅನಾವರಣ

ಮುಂಬೈ: ಭಾರತದ ಎರಡನೇ ಅತಿದೊಡ್ಡ ದ್ವಿಚಕ್ರ ವಾಹನ ಕಂಪನಿ ಹೋಂಡಾ ಮೊಬೈಕ್  ಕಂಪನಿ 11 ಹೊಸ ಮಾದರಿಯ ಮೊಬೈಕ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿದೆ.

ಗ್ರೇಟರ್  ನೋಯ್ಡಾದಲ್ಲಿ ಇದೇ ತಿಂಗಳ 7ರಿಂದ 10ರವರೆಗೆ  ಒಂದುವಾರ 14 ನೇ ಆಟೋ ಎಕ್ಸ್ ಪೋ ಆರಂಭವಾಗಲಿದ್ದು, 11ಕ್ಕೂ ಹೆಚ್ಚು ಹೊಸ ಮಾದರಿಯ ಬೈಕ್ ಗಳನ್ನು ಅನಾವರಣಗೊಳಿಸಲಾಗುತ್ತಿದೆ  ಎಂದು ಕಂಪನಿ ತಿಳಿಸಿದೆ.

ವಿದ್ಯುನ್ಮಾನ ಚಾಲಿತ  ಹಾಗೂ ರೇಸಿಂಗ್ ಬೈಕ್  ಕಲ್ಪನೆಯಲ್ಲಿ ಈ ಬೈಕ್ ಗಳನ್ನು ತಯಾರಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.

2018ರ ಸಾಲಿನಲ್ಲಿ ಮೂರು ಹೊಸ ಮಾದರಿಯ ಎರಡು ಸ್ಕೂಟರ್ ಗಳನ್ನು ಈಗಾಗಲೇ ಕಂಪನಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಆರು ದೇಶಿಯ ಹಾಗೂ ನಾಲ್ಕು ಅಂತಾರಾಷ್ಟ್ರೀಯ ಮಟ್ಟದ ಬೈಕ್ ಗಳನ್ನು ಪರಿಚಯಿಸಲಾಗುತ್ತಿದೆ ಎಂದು ಕಂಪನಿ ತಿಳಿಸಿದೆ.