ಫೋರ್ಡ್ ಕ್ಲಾಸಿಕ್ ದರ ಇಳಿಕೆ

ಭಾರತದ ಹಳೆಯ ಸೆಡಾನ್ಗಳಲ್ಲಿ ಒಂದಾದ ಫೋರ್ಡ್ ಕ್ಲಾಸಿಕ್ನ ದರವನ್ನು ಸುಮಾರು ಒಂದು ಲಕ್ಷ ರುಪಾಯಿವರೆಗೆ ಇಳಿಸಲಾಗಿದೆ. ಒಂದೆಡೆ ಫೋರ್ಡ್ ಇಕೋಸ್ಪೋರ್ಟ್ ಪ್ರವೇಶದಿಂದ ಅವರದೇ ಕಂಪನಿಯ ಇತರ ಕಾರುಗಳ ಮಾರಾಟದಲ್ಲಿ ತೀವ್ರ ಕುಸಿತವಾಗಿದೆ. ಮತ್ತೊಂದೆಡೆ ಇದಕ್ಕೆ ಪೈಪೋಟಿಯಾಗಿದ್ದ ಅಸೆಂಟ್ ಕಾರಿನ ಉತ್ಪಾದನೆಯನ್ನು ಹುಂಡೈ ಕಂಪನಿ ಸ್ಥಗಿತಗೊಳಿಸಿದೆ. ಈ ಹಿನ್ನೆಲೆಯಲ್ಲಿ ದರವನ್ನು ಇಳಿಸಿ ವಾಹನ ಪ್ರಿಯರನ್ನು ಆಕರ್ಷಿಸಲು ಫೋರ್ಡ್ ಸಂಸ್ಥೆ ನಿರ್ಧರಿಸಿದೆ. ಇದರಿಂದ ಫೋರ್ಡ್ ಕ್ಲಾಸಿಕ್ನ ದರವು ಸುಮಾರು 5 ಲಕ್ಷದಿಂದ ಪ್ರಾರಂಭವಾಗುವ ಸಾಧ್ಯತೆಯಿದೆ.  2005ರಿಂದಲೂ ಈ ಕಾರು ಮಾರುಕಟ್ಟೆಯಲ್ಲಿದೆ. ಮಾರ್ಚ್ ಪ್ರಾರಂಭದೊಳಗೆ ಹೊಸ ದರವು ಅನ್ವಯವಾಗುವ ಸಾಧ್ಯತೆಯಿದೆ. ಕಾರಿನಲ್ಲಿ ಮತ್ಯಾವುದೇ ಬದಲಾವಣೆ ಕುರಿತಂತೆ ಸಂಸ್ಥೆಯು ಇವತ್ತಿನವರೆಗೆ ಅಧಿಕೃತವಾಗಿ ಯಾವುದೇ ವಿಷಯ ತಿಳಿಸಿಲ್ಲ. ಪೆಟ್ರೋಲ್ ಮಾದರಿಯು 5 ಲಕ್ಷ ಹಾಗೂ ಡೀಸೆಲ್ ಮಾದರಿಯು 7.50ಲಕ್ಷದಿಂದ ಲಭ್ಯವಾಗಲಿದೆ ಎಂದು ಮೂಲಗಳು ತಿಳಿಸಿವೆ.