ಹೊಸ ರೋಲ್

6.6 ಲೀಟರ್ ಎಂಜಿನ್. ಆದರೆ ಲಾರಿಯಲ್ಲ. ಕೇವಲ 4.4 ಸೆಕೆಂಡ್‌ಗಳಲ್ಲಿ 100 ಕಿ.ಮೀ. ವೇಗ ತಲುಪಬಲ್ಲದು. ಆದರೆ ರೇಸ್ ಕಾರಲ್ಲ. ಇದು ರೋಲ್ಸ್ ರಾಯ್ಸ್ ಸಂಸ್ಥೆ ಭಾರತದ ಮಾರುಕಟ್ಟೆಗೆ ಬಿಡುತ್ತಿರುವ ಕಾರಿನ ಸ್ಯಾಂಪಲ್ ವಿವರ.
ದೇರ್ ಆಯಾ ತೋ ದುರುಸ್ತ್ ಆಯಾ ಎಂಬ ಮಾತಿನಂತೆ ರೋಲ್ಸ್ ರಾಯ್ಸ್ ಸಂಸ್ಥೆ ವ್ರೈತ್ ಕಾರನ್ನು ಭಾರತದ ಮಾರುಕಟ್ಟೆಗೆ ಬಿಡುಗಡೆ ಮಾಡುತ್ತಿದೆ. ಈ ಕಾರು ರೋಲ್ಸ್ ರಾಯ್ಸ್ ಸಂಸ್ಥೆ ಈ ವರೆಗೆ ಉತ್ಪಾದಿಸಿರುವ ಅತ್ಯಂತ ಬಲಶಾಲಿ ಮತ್ತು ಅತ್ಯಾಕರ್ಷಕ ಕಾರು ಎಂಬ ಹೆಗ್ಗಳಿಕೆಯನ್ನೂ ಹೊಂದಿದೆ.
ಈ ಕಾರಿನಲ್ಲಿರುವ 6.6 ಲೀಯರ್ ಟ್ವಿನ್ ಟರ್ಬೋ ನ12 ಎಂಜಿನ್ 633ಪಿಎಸ್ ಶಕ್ತಿಯನ್ನು ಉತ್ಪಾದಿಸಬಲ್ಲದು. ಇದರ 800ಎನ್‌ಎಂ ಟಾರ್ಕ್‌ನಿಂದಾಗಿ 100 ಕಿ.ಮೀ. ವೇಗವನ್ನು ಕೇವಲ 4.4 ಸೆಕಂಡ್‌ಗಳಲ್ಲಿ ತಲುಪಬಲ್ಲದು.
ಈ ಕಾರಿನಲ್ಲಿ 8 ಗೇರ್‌ಗಳ ಅಟೋಮೆಟಿಕ್ ಗೇರ್‌ಬಾಕ್ಸ್ ಇದ್ದು, ಜಿಪಿಎಸ್ ತಂತ್ರಜ್ಞಾನದ ಸಹಾಯದಿಂದ ಮುಂದೆ ಬರಲಿರುವ ದಾರಿ ಎಂಥದ್ದು ಎಂಬುದನ್ನು ಮೊದಲೇ ಅರಿತು ಅದಕ್ಕೆ ಸೂಕ್ತವಾಗಿ ಗೇರನ್ನು ಬದಲಾಯಿಸುವ ಸಾಮರ್ಥ್ಯ ಈ ಕಾರಿಗಿದೆಯಂತೆ!