ಕರ್ವ ಚೌತಿಯ ವಿಶೇಷತೆ, ಮಹತ್ವ ಏನು ಗೊತ್ತೆ?
ಪತ್ನಿ ತನ್ನ ಪತಿಗಾಗಿ ಆಚರಣೆ ಮಾಡುವ ಅನೇಕ ವ್ರತಗಳು ಹಾಗೂ ಪೂಜೆಗಳ ಪೈಕಿ ಕರ್ವ ಚೌತಿಯೂ ಒಂದಾಗಿದೆ. ದೇಶಾದ್ಯಂತ ಆಚರಣೆ ಮಾಡುವ ಕರ್ವ ಚೌತಿಯ ದಿನದಂದು ಗೃಹಿಣಿಯರು ಪತಿಗಾಗಿ
Published On :
ಪತ್ನಿ ತನ್ನ ಪತಿಗಾಗಿ ಆಚರಣೆ ಮಾಡುವ ಅನೇಕ ವ್ರತಗಳು ಹಾಗೂ ಪೂಜೆಗಳ ಪೈಕಿ ಕರ್ವ ಚೌತಿಯೂ ಒಂದಾಗಿದೆ. ದೇಶಾದ್ಯಂತ ಆಚರಣೆ ಮಾಡುವ ಕರ್ವ ಚೌತಿಯ ದಿನದಂದು ಗೃಹಿಣಿಯರು ಪತಿಗಾಗಿ ಉಪವಾಸವಿದ್ದು ಪ್ರಾರ್ಥಿಸುತ್ತಾರೆ.
ಕಾರ್ತಿಕ ಮಾಸದಲ್ಲಿ ಬರುವ ಕರ್ವ ಚೌತಿಗೂ ದಕ್ಷಿಣ ಭಾರತದಲ್ಲಿ ವ್ಯಾಪಕವಾಗಿ ಆಚರಿಸಲಾಗುವ ಭೀಮನ ಅಮಾವಾಸ್ಯೆಗೂ ಸಾಮ್ಯತೆ ಇದ್ದು, ಕೇವಲ ವಿವಾಹವಾದ ಮಹಿಳೆಯರಷ್ಟೇ ಅಲ್ಲದೇ ಅವಿವಾಹಿತ ಯುವತಿಯರೂ ಸಹ ಕರ್ವ ಚೌತಿಯನ್ನು ಆಚರಿಸುತ್ತಾರೆ.
ಕರ್ವ ಚೌತಿ ಆಚರಣೆಗೆ ಹಲವು ಪೌರಾಣಿಕ ಹಿನ್ನೆಲೆ ಇದ್ದು, ಅವಿವಾಹಿತ ಯುವತಿಯರು ಕರ್ವ ಚೌತಿಯನ್ನು ಆಚರಿಸುವುದರಿಂದ ತಮ್ಮ ಇಚ್ಛೆಗೆ ತಕ್ಕಂತಹ ಪತಿ ಸಿಗುತ್ತಾರೆ ಎಂಬ ನಂಬಿಕೆ ಇದೆ. ಹಿಂದಿನ ಕಾಲದಲ್ಲಿ ಸಾಮಾನ್ಯವಾಗಿ ಯುದ್ಧಗಳು ನಡೆಯುತ್ತಿದ್ದವು. ಈ ವೇಳೆ ಯುದ್ಧಕ್ಕೆ ಹೊರಡುವ ಪುರುಷರ ಆರೋಗ್ಯ, ಆಯುಷ್ಯಕ್ಕಾಗಿ ಪತ್ನಿಯರು ಪ್ರಾರ್ಥಿಸುತ್ತಿದ್ದರು. ಇದೇ ಕಾಲಕ್ರಮೇಣವಾಗಿ ಕರ್ವ ಚೌತಿಯಾಗಿ ಆಚರಣೆಗೆ ಬಂತು ಎನ್ನಲಾಗುತ್ತದೆ.
ಇನ್ನೂ ಕೆಲವರ ಪ್ರಕಾರ ಗೋಧಿ ಬಿತ್ತನೆ ಸಮಯವಾಗಿದ್ದು, ಕರ್ವ ಚೌತಿ ಗ್ರಾಮೀಣ ಭಾಗದಲ್ಲಿ ಕೃಷಿಯೊಂದಿಗೂ ಬೆಸೆದುಕೊಂಡಿದೆ. ಕರ್ವ ಎಂದರೆ ಸಂಗ್ರಹಿಸಲಾಗುವ ಪಾತ್ರೆ, ಬೆಳೆಯನ್ನು ಸಂಗ್ರಹಿಸಲು ಬೃಹತ್ ಗಾತ್ರದ ಪಾತ್ರೆಗಳನ್ನು ಬಳಕೆ ಮಾಡಲಾಗುತ್ತಿತ್ತು. ಬೆಳೆ ಉತ್ತಮವಾಗಿ ಬರಲೆಂದು ಪ್ರಾರ್ಥಿಸಿ ಚೌತಿಯ ದಿನ ಉಪವಾಸವಿದ್ದು ದೇವರಲ್ಲಿ ಪ್ರಾರ್ಥಿಸುತ್ತಿದ್ದರು ಈ ಹಿನ್ನೆಲೆಯಲ್ಲಿ ಕರ್ವ ಚೌತಿಯ ದಿನದಂದು ಗ್ರಾಮೀಣ ಭಾಗದಲ್ಲಿ ಉಪವಾಸ ಆಚರಿಸುವ ಸಂಪ್ರದಾಯ ಇದೆ
ಸಂಜೆ ವೇಳೆಗೆ ವಿವಾಹವಾದ ಹೆಂಗಸರು ಒಂದೆಡೆ ಸೇರಿ ಕರ್ವ ಚೌತ್ ನ ಕಥೆಯನ್ನು ಕೇಳುತ್ತಾರೆ. ಶಿವ ಹಾಗು ಪಾರ್ವತಿಯನ್ನು ಪೂಜಿಸುವ ಈ ದಿನದಂದು ಗೌರ್ ಮಾತ ಅಥವಾ ಕರ್ವ ಮಾತೆಯ ಮೂರ್ತಿಯನ್ನು ಪೂಜಿಸುವುದು ರೂಢಿಯಲ್ಲಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.