ಉಡುಪಿ: ಕರ್ನಾಟಕದಲ್ಲಿ ಮೊದಲ ಬಾರಿಗೆ ಕಾಣಿಸಿಕೊಂಡ ಪುಟಾಣಿ ಹಕ್ಕಿ ಲಿಟಲ್ ಬಂಟಿಂಗ್
ಲಿಟಲ್ ಬಂಟಿಂಗ್ ಅಥವಾ ಯುರೇಶಿಯನ್ ಟ್ರೀ ಸ್ಪ್ಯಾರೋ ಎಂದು ಕರೆಯಲಾಗುವ ಗುಬ್ಬಚ್ಚಿ ಜಾತಿಯ ಪುಟ್ಟ ಹಕ್ಕಿ ಇದೇ ಮೊದಲ ಬಾರಿಗೆ ಉಡುಪಿ ಜಿಲ್ಲೆ ಬಾರ್ಕೂರಿನಲ್ಲಿ ಪತ್ತೆಯಾಗಿದೆ.
Published On :
ಉಡುಪಿ: ಲಿಟಲ್ ಬಂಟಿಂಗ್ ಅಥವಾ ಯುರೇಶಿಯನ್ ಟ್ರೀ ಸ್ಪ್ಯಾರೋ ಎಂದು ಕರೆಯಲಾಗುವ ಗುಬ್ಬಚ್ಚಿ ಜಾತಿಯ ಪುಟ್ಟ ಹಕ್ಕಿ ಇದೇ ಮೊದಲ ಬಾರಿಗೆ ಉಡುಪಿ ಜಿಲ್ಲೆ ಬಾರ್ಕೂರಿನಲ್ಲಿ ಪತ್ತೆಯಾಗಿದೆ. ಒಟ್ಟು ನಾಲ್ಕು ಹಕ್ಕಿಗಳ ಗುಂಪು ಕಾಡಿನ ಒಣ ಮರದ ಮೇಲೆ ಕುಳಿತು ಕೂಗುತ್ತಿದ್ದದ್ದನ್ನು ಆದಿತ್ಯ ಭಟ್, ಸಹಾನಾ ಎಂ, ಅರುಣ್ ಪ್ರಭು ಮತ್ತು ಕುಮುದಿನಿ ಪ್ರಭು ಎನ್ನುವವರು ಪತ್ತೆ ಮಾಡಿದ್ದಾರೆ.
"ಈ ಹಕ್ಕಿ ಯುರೊಪ್ ಮತ್ತು ಉತ್ತರ ಏಷ್ಯಾದ ಭಾಗಗಳಿರುತ್ತವೆ. ಚಳಿಗಾಲದಲ್ಲಿ ದಕ್ಷಿಣ ಚೀನಾ ಮತ್ತು ಈಶಾನ್ಯ ಭಾರತಕ್ಕೆ ವಲಸೆ ಬರುತ್ತವೆ. ಈ ಹಕ್ಕಿ ಸಾಮಾನ್ಯವಾಗಿ 3,300-6,600 ಅಡಿ ಎತ್ತರವಿರುವ ಕೃಷಿ ಭೂಮಿಯಲ್ಲಿ ಕಂಡುಬರುತ್ತದೆ. ಆದರೆ ಬಾರ್ಕೂರಿನಲ್ಲಿ ಈ ಪಕ್ಷಿ ಕಂಡುಬಂದಿರುವುದು ನಿಜಕ್ಕೂ ಅಚ್ಚರಿ ಮತ್ತು ಸಂತಸಕ್ಕೆ ಕಾರಣವಾಗಿದೆ" ಆದಿತ್ಯ ಭಟ್ ಹೇಳಿದ್ದಾರೆ.
ಇದುವರೆಗೆ ದಕ್ಷಿಣ ಭಾರತದಲ್ಲಿ ಕೇವಲ ಎರಡು ಬಾರಿ ಈ ಹಕ್ಕಿ ಕಾಣಿಸಿಕೊಂಡಿದ್ದು ದಾಖಲಾಗಿದೆ. ಅದರಲ್ಲಿ ಒಂದು ಮಹಾರಾಷ್ಟ್ರದ ಪುಣೆಯಲ್ಲಾದರೆ ಇನ್ನೊಮ್ಮೆ ಕೇರಳದ ಮುನ್ನಾರ್ ನಲ್ಲಿ ಈ ಅಪರೂಪದ ಲಿಟಲ್ ಬಂಟಿಂಗ್ ಗೋಚರಿಸಿತ್ತು.
"ಕರ್ನಾಟಕದಲ್ಲಿ ಈ ಹಕ್ಕಿ ಮೊಟ್ಟಮೊದಲ ಬಾರಿಗೆ ಕಂಡುಬಂದಿದ್ದು, ನಾವು ಬಾರ್ಕೂರಿನಂತಹಾ ತೇವ ಹಾಗೂ ಆರ್ದ್ರ ಪ್ರದೇಶಗಳನ್ನು ಸುರಕ್ಷಿತವಾಗಿ ಉಳಿಸಿಕೊಂಡರೆ ಭವಿಷ್ಯದಲ್ಲಿ ಪ್ರಕೃತಿಯ ಇನ್ನಷ್ಟು ಅಚ್ಚರಿಗಳನ್ನು ನಾವು ಕಾಣಲು ಸಾಧ್ಯವಿದೆ" ಆದಿತ್ಯ ಭಟ್ ಹೇಳಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.