ಪ್ರತಿಯೊಬ್ಬರೂ ಬೆಳಗ್ಗೆ ಎದ್ದಾಗಿನಿಂದ ರಾತ್ರಿ ಮಲಗುವವರೆಗೆ ಒಂದಲ್ಲ ಒಂದು ಒತ್ತಡದಲ್ಲಿ ಬದುಕುತ್ತೇವೆ. ಅಪ್ಪಿ ತಪ್ಪಿ ಬೆಳಗ್ಗೆ ಹಾಸಿಗೆಯಿಂದ ಏಳುವುದು ಐದು ನಿಮಿಷ ತಡವಾದರೆ ಅದಕ್ಕಾಗಲೇ ನಮ್ಮ ಮೆದುಳಿನಲ್ಲಿ ಒಂದು ರೀತಿಯ ಒತ್ತಡ ಪ್ರಾರಂಭವಾಗಿರುತ್ತದೆ.
ನಮ್ಮಲ್ಲಿ ಹೆಚ್ಚಿನವರು ಅದರಲ್ಲೂ ಶಾಲೆ, ಕಾಲೇಜುಗೆ ಹೋಗುವ ಮಕ್ಕಳಿದ್ದಾಗ, ಆಫೀಸ್‌ಗೆ ಹೋಗುವವರಿದ್ದಾಗ, ತಾಯಂದಿರು ಬೇಗ ಎದ್ದು ಮನೆಕೆಲಸದ ಜೊತೆಗೆ ಮನೆಯವರಿಗೆಲ್ಲಾ ಅಡುಗೆ ಮಾಡಿ ಕಳುಹಿಸಬೇಕಾಗುತ್ತದೆ. ಹಾಗಾಗಿ ಪ್ರತಿಯೊಬ್ಬರೂ ಅಲಾರ್ಮ್ ಇಟ್ಟು ಎದ್ದೇಳುತ್ತಾರೆ.
ಹಠಾತ್ ಧ್ವನಿ ಎಚ್ಚರಿಕೆಯಿಂದಾಗಿ ಹಠಾತ್ ಜಾಗೃತಿಯು ನಿಮ್ಮ ಹೃದಯ ಮತ್ತು ರಕ್ತದೊತ್ತಡದ ಮೇಲೆ ನಕಾರಾತ್ಮಕ ಪರಿಣಾಮಗಳನ್ನು ಉಂಟುಮಾಡಬಹುದು. ಇದು ನೀವು ನಿದ್ರೆಯಲ್ಲಿರುವಾಗ ಒಂದು ಹಂತದಲ್ಲಿ ನಿಮ್ಮ ದೇಹವನ್ನು ತಕ್ಷಣ ಎಚ್ಚರಗೊಳಿಸುತ್ತದೆ. ನಾವು ರೂಢಿಸಿಕೊಂಡಿರುವ ಈ ಕ್ರಮ ಸರಿಯಾಗಿಲ್ಲ ಎಂದು ವರ್ಜೀನಿಯಾ ವಿಶ್ವವಿದ್ಯಾನಿಲಯದ ವಿದ್ಯಾರ್ಥಿಗಳು ನಡೆಸಿದ ಅಧ್ಯಯನದಲ್ಲಿ ತಿಳಿದುಬಂದಿದೆ.
ಅಲಾರ್ಮ್ ಇಟ್ಟು ಎದ್ದೇಳುವವರು, ನೈಸರ್ಗಿಕವಾಗಿ ಏಳುವವರಿಗಿಂತ (ಅಲಾರ್ಮ್ ಇಲ್ಲದೆ) ಹೆಚ್ಚಾಗಿ ಬಿಪಿ ಸಮಸ್ಯೆಯಿಂದ ಬಳಲುತ್ತಾರೆ. ಹಾಗಾಗಿಯೇ ಅಲಾರಂ ಇಟ್ಟು ಏಳುವವರಲ್ಲಿ ಇತರರಿಗೆ ಹೋಲಿಸಿದರೆ ಶೇ.74ರಷ್ಟು ಮಂದಿಯಲ್ಲಿ ರಕ್ತದೊತ್ತಡ ಸಮಸ್ಯೆಯು ಗಮನಾರ್ಹವಾಗಿ ಏರಿಕೆಯಾಗಿರುವುದು ಕಂಡು ಬಂದಿದೆ.
ಅಲಾರ್ಮ್ ಗಡಿಯಾರದ ಶಬ್ದವು ನಿಮ್ಮನ್ನು ಎಚ್ಚರಗೊಳಿಸಿದಾಗ, ಅದು ದೇಹದ ಹೋರಾಟದ ಪ್ರತಿಕ್ರಿಯೆಯನ್ನು ಪ್ರಚೋದಿಸುತ್ತದೆ. ಈ ಪ್ರತಿಕ್ರಿಯೆಯು ಕಾರ್ಟಿಸೋಲ್ ಮತ್ತು ಅಡ್ರಿನಾಲಿನ್‌ನಂತಹ ಒತ್ತಡದ ಹಾರ್ಮೋನ್‌ಗಳ ಬಿಡುಗಡೆಯಿಂದ ನಿರೂಪಿಸಲ್ಪಟ್ಟಿದೆ. ತಕ್ಷಣದ ಬೆದರಿಕೆಗಳನ್ನು ಎದುರಿಸಲು ಈ ಹಾರ್ಮೋನುಗಳು ಅತ್ಯಗತ್ಯವಾದರೂ, ಶಾಂತಿಯುತ ನಿದ್ರೆಯಿಂದ ಥಟ್ಟನೆ ಏಳುವಂತೆ ವಿನ್ಯಾಸಗೊಳಿಸಲಾಗಿಲ್ಲ. ಒತ್ತಡದ ಹಾರ್ಮೋನುಗಳ ಹಠಾತ್ ಉಲ್ಬಣವು ರಕ್ತದೊತ್ತಡ ಮತ್ತು ಹೃದಯ ಬಡಿತವನ್ನು ಹೆಚ್ಚಿಸುತ್ತದೆ.
ಎಚ್ಚರಗೊಳ್ಳಲು ಅಲಾರ್ಮ್ ಗಳನ್ನು ಹೊಂದಿಸುವುದು ನಿಮ್ಮ ಮಾನಸಿಕ ಆರೋಗ್ಯ ಅಥವಾ ಮನಸ್ಥಿತಿಯ ಮೇಲೆ ಋಣಾತ್ಮಕ ಪರಿಣಾಮ ಬೀರಬಹುದು. ಅಲಾರ್ಮ್ ನೊಂದಿಗೆ ನಿಮ್ಮ ನಿದ್ರೆಯನ್ನು ಅಡ್ಡಿಪಡಿಸುವುದರಿಂದ ನಿಮಗೆ ಕಿರಿಕಿರಿ, ಒತ್ತಡ, ಆತಂಕ, ಮೂಗಿನಲ್ಲಿ ರಕ್ತಸ್ರಾವ, ತಲೆನೋವು ಸಮಸ್ಯೆ ಉಂಟುಮಾಡಬಹುದು.
ಹಠಾತ್ತನೆ ನಿದ್ರೆಯಿಂದ ಎಚ್ಚರಿಸುವ ಅಲಾರ್ಮ್ ಗಳಿಗೆ ಪರ್ಯಾಯವೂ ಇದೆ. ಅದುವೇ ‘ಸ್ನೂಜ್’ (Snooze). ಇದು ಅಲಾರ್ಮ್ ಶಬ್ದಗಳಂತೆ ಹಠಾತ್ತನೆ ಎಚ್ಚರಿಸುವುದಿಲ್ಲ. ಬದಲಿಗೆ ಕಡಿಮೆ ಶಬ್ದವನ್ನು ಒಂದೇ ಶ್ರುತಿಯಲ್ಲಿ ಪ್ರಸಾರ ಮಾಡುತ್ತವೆ, ಈ ಶಬ್ದ ನಿದ್ರೆಯಲ್ಲಿರುವ ಮೆದುಳನ್ನು ನಿಧಾನಕ್ಕೆ ಸಕ್ರಿಯಗೊಳಿಸುತ್ತವೆ. ಇದು ಮಲಗಿರುವ ವ್ಯಕ್ತಿಗೆ ಶಾಕ್ ನೀಡಿದ ಅನುಭವ ಕೊಡುವುದಿಲ್ಲ. ಬದಲಿಗೆ ನಿಧಾನಕ್ಕೆ ಎಚ್ಚರಗೊಳ್ಳುವಂತೆ ಮಾಡುತ್ತದೆ.
ಇದಲ್ಲದೆ, ದೇಹಕ್ಕೆ ಅವಶ್ಯವಾದಷ್ಟು ನಿದ್ರೆಯನ್ನು ಪೂರ್ಣಗೊಳಿಸಿದರೆ ಸಹಜವಾಗಿಯೇ ನೀವು ಎಚ್ಚರಗೊಳ್ಳುತ್ತೀರಿ. ನಿಮ್ಮ ವೈಯಕ್ತಿಕ ಅಗತ್ಯಗಳ ಆಧಾರದ ಮೇಲೆ ಪ್ರತಿ ರಾತ್ರಿ 7 ರಿಂದ 9 ಗಂಟೆಗಳ ನಿದ್ರೆಯನ್ನು ಪಡೆಯಿರಿ. ಇದು ಬೆಳಿಗ್ಗೆ ನೈಸರ್ಗಿಕ ಬೆಳಕಿಗೆ ಒಡ್ಡಿಕೊಳ್ಳುವುದು ನಿಮ್ಮ ಸಿರ್ಕಾಡಿಯನ್ ರಿದಮ್ ಅನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.